சுயநினைவை இழந்த ஹாலிவுட் நடிகை டோரி கெல்லி : மருத்துவமனையில் திவீர சிகிச்சை
பிரபல ஹாலிவுட் நடிகை மற்றும் பாடகி டோரி கெல்லி. சிங், சிங் 2, ஜெர்ரி அண்ட் மெர்ஜ் கோ லார்ஜ் உள்ளிட்ட படங்களில் நடித்துள்ளார். ஏராளமான தொலைக்காட்சி தொடர்களில் நடித்துள்ளார். இசை நிகழ்ச்சிகளில் பங்கேற்றுள்ளார். பாடல் ஆல்பங்களுக்காக 3 முறை கிராமி அவார்ட் வாங்கி உள்ளார். ஜெர்மனி கால்பந்து வீரர் ஆண்ட்ரியோ முரிலோவை 2018ம் ஆண்டு திருமணம் செய்தார்.
30 வயதான டோரி கெல்லி, லாஸ் ஏஞ்சல்ஸ் டவுன் டவுனில் உள்ள ஓட்டலில் நண்பர்களுடன் சாப்பிட்டுக் கொண்டிருக்கும்போது திடீரென மயங்கி விழுந்தார். உடனடியாக அங்கிருந்தவர்கள் அவரை அருகில் உள்ள மருத்துவமனையில் சேர்த்தனர். தீவிர சிகிச்சை பிரிவில் அனுமதிக்கப்பட்ட அவர், தற்போது சுயநினைவை இழந்துள்ளதாகவும், அவரது முக்கிய உறுப்புக்கு செல்லும் ரத்த ஓட்டம் தடைபட்டுள்ளதாகவும், மருத்துவமனை வட்டாரங்கள் தெரிவித்தன. இந்த சம்பவம் ஹாலிவுட் வட்டாரத்தில் பரபரப்பு ஏற்படுத்தி உள்ளது. சமூக வலைத்தளங்களில் டோரி கெல்லியின் ரசிகர்கள் அவருக்காக பிரார்த்தனை செய்து வருகிறார்கள்.