நெல்சன் திலீப்குமார் இயக்கத்தில் ரஜினிகாந்த் கெத்து காட்டியிருக்கும் ஜெயிலர் படத்தை பார்க்க ரசிகர்கள் ஆவலாக உள்ளனர். ஆகஸ்ட் 10ம் தேதி ரிலீஸாகவிருக்கும் ஜெயிலர் படத்தில் இருக்கும் ஹுகும் பாடல் ரஜினி ரசிகர்களுக்கு மிகவும் பிடித்துள்ளது. ஆனால் விஜய் ரசிகர்களுக்கு பிடிக்கவில்லை.
“கோவம் வந்துச்சு..அங்க இருந்து கதை வந்துச்சு” Aneethi Team Interview !
தளபதியை தாக்கி வந்திருக்கிறது ஹுகும் என்கிறார்கள் விஜய் ரசிகர்கள். அந்த பாடலை மனதில் வைத்து தான் ஜெயிலர் இசை வெளியீட்டு விழாவுக்கு சன் பிக்சர்ஸ் நிறுவனம் அழைத்தபோது வர மறுத்துவிட்டார் விஜய் என தகவல் வெளியானது.
Jailer: என்னாது, ஜெயிலர் இசை வெளியீட்டு விழாவுக்கு வர முடியாதுனு சொன்னாரா விஜய்?
இந்நிலையில் இந்த ஹுகும் பிரச்சனை குறித்து தயாரிப்பாளரும், ஸ்டுடியோ கிரீன் நிறுவன சி.இ.ஓவுமான தனஞ்செயனிடம் பேட்டி ஒன்றில் கேட்கப்பட்டது. அதற்கு அவர் கூறியதாவது,
ஹுகும் பாடல் வீடியோ வந்த உடனேயே பார்த்துவிட்டேன். அது விஜய்க்கு எதிரானது என எனக்கு தோன்றவில்லை. ஜெயிலர் கதாபாத்திரத்தில் ரஜினி யாருக்கோ சொல்லும் தகவலாகத் தான் நான் பார்க்கிறேன். இது விஜய் சாருக்கு சொல்கிறார் என நான் நினைக்கவில்லை.
பாடலாசிரியருடன் அமர்ந்து இந்த லைனை எழுது, இந்த பன்ச்சை போடு, விஜய் சாருக்கு எதிராக இதை எழுது, அஜித் சாருக்கு எதிராக எழுது என்று சொல்லும் மனநிலையில் ரஜினி சார் இல்லை. தன் பொசிஷனை பற்றி சந்தேகமே இல்லாதவர் அவர்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்த சினிமாவில் உச்சத்தில் இருப்பவர் ரஜினி சார். வேறு யாரும் அந்த பொசிஷனில் நிற்க முடியாது. அவர் தான் சூப்பர் ஸ்டார். அவருக்கு எதிராக இதை எழுது என்று பாடலாசிரியரிடம் சொல்ல நினைத்துக் கூட பார்க்க மாட்டார் ரஜினி சார் என்றார்.
விஜய் தான் தற்போதைய சூப்பர் ஸ்டார் என அவரின் ரசிகர்கள் சமூக வலைதளங்களில் கூறி வருகிறார்கள். ரஜினி எல்லாம் முன்னாள் சூப்பர் ஸ்டார் என்கிறார்கள். இதற்கு பதிலடி கொடுக்கும் வகையில் உள்ளது ஹுகும் என பேசப்படுகிறது. இந்நிலையில் தான் சூப்பர் ஸ்டார் என்றால் அது ரஜினி சார் தான் என தனஞ்செயன் தெரிவித்துள்ளார்.
அரசியலுக்கு வரவிருக்கும் விஜய் அண்மையில் பனையூரில் இருக்கும் அலுவலகத்தில் வைத்து விஜய் மக்கள் இயக்க நிர்வாகிகளை சந்தித்து பேசினார். அப்பொழுது ரஜினியை விட நான் பெரிய ஆள் என்கிற இமேஜை உருவாக்க வேண்டும் என நிர்வாகிகளிடம் விஜய் கூறியதாக தகவல் வெளியானது.
ஹுகும் பாடல் விவாதமே முடியாத நிலையில் இன்று மாலை ஜுஜுபி பாடல் வெளியாகவிருக்கிறது. பாடல் எல்லாம் வரவே வேண்டாம், தலைப்பிலேயே நீங்கள் எல்லாம் சூப்பர் ஸ்டாரா, எனக்கு முன்பு ஜுஜுபி என தலைவர் கூறிவிட்டார் என்கிறார்கள் ரஜினி ரசிகர்கள்.
Jailer: கோர்ட்டில் கேஸ்: ஒரே நாளில் ரிலீஸாகும் ரஜினியின் ஜெயிலர், மலையாள ஜெயிலர்
இதற்கிடையே ஜெயிலருடன் சேர்ந்து மலையாள ஜெயிலர் படம் ஆகஸ்ட் 10ம் தேதி ரிலீஸாகவிருக்கிறது. மலையாள ஜெயிலரில் தியான் ஸ்ரீனிவாசன் போலீஸ் அதிகாரியாக நடித்திருக்கிறார்.
ஜெயிலர் தலைப்பு தொடர்பான வழக்கு ஆகஸ்ட் 2ம் தேதி விசாரணைக்கு வருகிறது. நீதிமன்றம் என்ன உத்தரவிடுமோ என ரசிகர்களின் கவனம் அந்தப் பக்கமும் திரும்பியிருக்கிறது.