கோலிவுட் சினிமாவின் அடுத்த பிரம்மாண்டமாக ‘தங்கலான்’ படம் உருவாகியுள்ளது. பா. ரஞ்சித் இயக்கத்தில் விக்ரம் நடிப்பில் இதன் படப்பிடிப்பு கடந்த சில மாதங்களாக மும்முரமாக நடந்து வந்தது. பெரும் பொருட் செலவில் பிரம்மாண்டமாக தயாராகும் ‘தங்கலான் படத்தை கோலிவுட் சினிமாவே பெரிதும் எதிர்பார்த்து காத்திருக்கிறது.
‘பொன்னியின் செல்வன்’ படத்தின் வெற்றியை தொடர்ந்து விக்ரம் நடிப்பில் ‘தங்கலான்’ படம் உருவாகியுள்ளது. பொன்னியின் செல்வன் படத்தில் ஆதித்ய கரிகாலனாக நடித்து மிரட்டியிருந்தார் விக்ரம். மணிரத்னம் இயக்கியிருந்த இந்தப்படத்தின் முதல் பாகத்திற்கு கிடைத்த வரவேற்பு இரண்டாம் பாகத்திற்கு கிடைக்கவில்லை.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனிடையில் தான் பா. ரஞ்சித் இயக்கத்தில் நடிக்க கமிட் ஆனார் விக்ரம். தமிழ் சினிமாவில் தொடர்ச்சியாக சமூக பிரச்சனைகள் குறித்து பேசும் படங்களை இயக்கி வரும் ரஞ்சித் இயக்கத்தில் கடைசியாக ‘நட்சத்திரம் நகர்கிறது’ படம் வெளியானது. சமகாலத்து காதல் குறித்து அலசி ஆராய்ந்தது இந்தப்படம். ‘நட்சத்திரம் நகர்கிறது’ படத்தினை தொடர்ந்து பெரும் எதிர்பார்ப்புகளுக்கு மத்தியில் தற்போது தங்கலானை இயக்கி வருகிறார்.
ஜிவி பிரகாஷ் குமார் இசையமைக்கும் இந்தப்படத்தை ஸ்டுடியோ கிரீன் சார்பாக ஞானவேல் ராஜா தயாரிக்கிறார். ‘தங்கலான்’ படத்தில் விக்ரமுடன் பார்வதி திருவோத்து, பசுபதி, மாளவிகா மோகனன் உள்ளிட்டோர் முக்கிய கதாபாத்திரத்தில் நடித்துள்ளனர். இந்நிலையில் ‘தங்கலான்’ படம் குறித்து தயாரிப்பாளர் தனஞ்செயன் பேட்டி ஒன்றில் பேசியுள்ளது சோஷியல் மீடியாவில் வைரலாகி வருகிறது.
Jailer: ‘ஜெயிலர்’ படம் குறித்து வெளியான திடீர் அறிவிப்பு : ரசிகர்கள் ஏமாற்றம்.!
அதாவது ‘தங்கலான்’ படத்தினை ஆரம்பத்தில் குறைந்த பட்ஜெட்டில் படமாக்க திட்டமிட்டுள்ளார்கள். ஆனால் படப்பிடிப்பு துவங்கி முடியும் போது100 கோடி ரூபாயை படத்தின் பட்ஜெட் தாண்டி விட்டதாக தெரிவித்துள்ளார். திட்டமிட்டதை விட படத்தில் பட்ஜெட் எகிறியுள்ள தகவல் சோஷியல் மீடியாவில் வைரலாகி வருகிறது. ஒகேனக்கல், மதுரை, கேஜிஎப் ஆகிய பகுதிகளில் நடந்த ‘தங்கலான்’ பட ஷுட்டிங் அண்மையில் முழுமையாக நிறைவடைந்தது.
மேலும், ‘தங்கலான்’ படத்தின் மேக்கிங் வீடியோ விக்ரமின் பிறந்தநாளை முன்னிட்டு வெளியானது. இந்த மிரட்டலான வீடியோ ரசிகர்கள் மத்தியில் அமோகமான வரவேற்பினை பெற்றது. விக்ரம் உயிரை கொடுத்து நடித்துள்ளதாக ரசிகர்கள் பாராட்டி தள்ளினார்கள். ‘தங்கலான்’ படம் கோலார் தங்க வயல் பின்னணியில், அங்கு பணியாற்றிய தொழிலாளர்கள் வாழ்க்கையை மையமாக வைத்து உருவாகியுள்ளது குறிப்பிடத்தக்கது.
Raveena Ravi: டயலாக் இல்லாத ‘மாமன்னன்’ படத்தில் நடிக்க காரணம் இதுதான்: ரவீனா ரவி.!