ரஜினியின் நடிப்பில் நெல்சனின் இயக்கத்தில் உருவான ஜெயிலர் திரைப்படம் நேற்று முன்தினம் திரையில் வெளியானது. மிகப்பெரிய எதிர்பார்ப்பில் இருந்த இப்படம் அந்த எதிர்பார்ப்பை பூர்த்தி செய்து மிகப்பெரிய வெற்றியை நோக்கி சென்று வருகின்றது.
ஏற்கனவே அனிருத்தின் இசையில் ஜெயிலர் படத்தில் இருந்து வெளியான பாடல்கள் மாஸ் ஹிட்டடித்த நிலையில் இப்படத்தின் ட்ரைலரும் வெளியாகி அமோகமான வரவேற்பை பெற்றது. இதைத்தொடர்ந்து நேற்று முன்தினம் வெளியான ஜெயிலர் திரைப்படத்தை ரசிகர்கள் கொண்டாடி வருகின்றனர்.
ஜெயிலர் வசூல் சாதனை
நீண்ட நாட்களுக்கு பிறகு சொல்லப்போனால் பல வருடங்களுக்கு பிறகு பழைய ரஜினியை திரையில் பார்த்ததாக கூறும் ரசிகர்கள் நெல்சனையும் வெகுவாக பாராட்டி வருகின்றனர். ரஜினிக்கு ஒரு தரமான படத்தை நெல்சன் கொடுத்துள்ளார் என அவரை ரசிகர்கள் பாராட்டி வருகின்றனர்.
Jailer: ஜெயிலர் படத்தில் அவரையும் நடிக்க வைக்கலாம் என இருந்தேன்..ஆனால்..உண்மையை உடைத்த நெல்சன்..!
ரஜினிக்கு மட்டுமல்லாமல் நெல்சனுக்கும் ஜெயிலர் மிக முக்கியமான படமாகும். இப்படத்தின் மூலம் வெற்றிப்பாதைக்கு திரும்பும் முனைப்பில் இருந்த நெல்சனுக்கு இப்படம் எதிர்பார்த்த வெற்றியை கொடுத்துள்ளது. இந்நிலையில் ஜெயிலர் படத்திற்கு இருந்த எதிர்பார்ப்பினால் இப்படத்தின் முன்பதிவு அமோகமாக இருந்தது.
முன்பதிவின் மூலமே ஜெயிலர் பல கோடி வசூலை குவித்தது. இதைத்தொடர்ந்து இப்படம் வெளியான முதல் நாளில் மட்டும் கிட்டத்தட்ட 70 கோடி வரை வசூலித்துள்ளதாம். தமிழ்நாட்டில் 25 கோடியும் உலகளவில் 45 கோடியும் வசூலித்த ஜெயிலர் ஒட்டுமொத்தமாக கிட்டத்தட்ட 70 கோடி வரை வசூலித்துள்ளது.
சாதனை படைத்த தலைவர்
இதையடுத்து நேற்று இரண்டாம் நாள் வசூலும் ஜெயிலர் படத்திற்கு சிறப்பாகவே இருந்துள்ளது. இரண்டாவது நாளில் ஜெயிலர் திரைப்படம் 55 கோடி வரை வசூலித்துள்ளது. இந்நிலையில் ஒட்டுமொத்தமாக இரண்டு நாட்களில் ஜெயிலர் திரைப்படம் மொத்தமாக 125 கோடி வரை வசூலித்து சாதனை படைத்துள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதையடுத்து இன்றும் நாளையும் விடுமுறை நாட்கள் என்பதால் ஜெயிலர் படத்தின் வசூல் மேலும் அதிகரிக்கும் என்றே எதிர்பார்க்கப்படுகின்றது. இந்நிலையில் ரஜினி ரசிகர்கள் மட்டுமல்லாமல் ஒட்டுமொத்த சினிமா ரசிகர்களும் கொண்டாடும் அளவிற்கு ஜெயிலர் திரைப்படம் அமைந்துள்ளதை அடுத்து அனைவரும் இயக்குனர் நெல்சனை பாராட்டி வருகின்றனர் என்பது குறிப்பிடத்தக்கது.