சூர்யா நடிப்பில் தற்போது மிகுந்த எதிர்பார்ப்பிற்கு மத்தியில் ‘கங்குவா’ உருவாகி வருகிறது. பாகுபலி, ஆர்ஆர்ஆர் போன்ற படங்களில் வெற்றியால் கோலிவுட் திரையுலகினருக்கும் வரலாற்று சம்பந்தமான பிரம்மாண்ட படங்களை இயக்க வேண்டும் என்ற ஆசை வந்துவிட்டது. அந்த வகையில் தான் தற்போது கங்குவா, தங்கலான் போன்ற படங்கள் உருவாகி வருகின்றன.
தமிழ் சினிமாவின் கமர்ஷியல் ஹிட் படங்களை கொடுத்து ரசிகர்களை அசர விட்டவர் இயக்குனர் சிறுத்தை சிவா. அதிலும் கோலிவுட் திரையுலகின் முன்னணி நடிகர்களான ரஜினி, அஜித்தை இருவரை வைத்துமே படம் இயக்கி விட்டார். தற்போது ‘அண்ணாத்த’ படத்தின் வெற்றியை தொடர்ந்து சூர்யாவை இயக்கி வருகிறார். முதன்முறையாக இந்த கூட்டணி இணைந்துள்ள ‘கங்குவா’ படம் எப்படி இருக்கும் என்பதை அறிய கோலிவுட் சினிமாவே ஆர்வமாக உள்ளது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
பேமிலி டிராமா படங்களை இயக்குவதில் கெட்டிக்காரரான சிவா, முழுக்க முழுக்க தன்னுடைய பாணியில் இருந்து மாறி ‘கங்குவா’ படத்தை இயக்கி வருகிறார். இந்தப்படம் சூர்யா, சிவா இருவரின் கெரியரிலும் மிகப்பெரிய பட்ஜெட்டில் தயாராகி வருகிறது. அத்துடன் இருவரின் கெரியரிலும் இந்தப்படம் தனி முத்திரை பதிக்கும் என்றும் எதிர்பார்க்கப்படுகிறது.
ஸ்டுடியோ கிரீன் ஞானவேல் ராஜா பிரம்மாண்டமாக தயாரிக்கும் ‘கங்குவா’ படம் ப்ரீ பிசினஸில் நன்றாக கல்லா கட்டியுள்ளது. படத்தின் சேட்டிலைட், டிஜிட்டல் மற்றும் ஆடியோ உரிமைகள் படப்பிடிப்பின் போதே பல கோடிக்கு விற்று தீர்ந்துள்ளது. இந்தப்படத்தில் வரலாற்று சம்பந்தமான காட்சிகளும் இடம்பெற்றுள்ளன. இதற்காக உடல் எடையை அதிகரித்து மிரட்டலான லுக்கில் வலம் வருகிறார் சூர்யா.
Kanguva: கிங் வருகிறார்.. சம்பவம் செய்யப்போகும் ‘கங்குவா’: சூப்பரான அறிவிப்பு.!
இந்நிலையில் ‘கங்குவா’ படத்திற்காக சூர்யா சிக்ஸ் பேக்குடன் இருக்கும் புகைப்படம் ஒன்று சோஷியல் மீடியாவில் வைரலாகி வருகிறது. இதனையடுத்து அவரின் புகைப்படத்தை பார்த்த ரசிகர்கள் ‘வாரணம் ஆயிரம்’ படத்திலிருந்து சூர்யா பிட்னஸ் மெயின்டெயின் பண்ணி வருவதாக ஆச்சரியத்துடன் கூறி வருகின்றனர். மேலும் சூர்யாவின் கடின உழைப்பையும் பாராட்டி தள்ளி வருகின்றனர்.
‘கங்குவா’ படத்தில் சூர்யாவுடன் பாலிவுட் நடிகை திஷா பதானி, யோகி பாபு, ரெடின் கிங்ஸ்லி, ஆனந்த் ராஜ், கோவை சரளா உள்ளிட்ட பலர் இணைந்து நடித்து வருகின்றனர். ஜிவி பிரகாஷ் குமார் இந்தப்படத்திற்கு இசையமைக்கிறார். இதனிடையில் பிரம்மாண்டமாக உருவாகியுள்ள ‘கங்குவா’ படத்தின் கிளிம்ப்ஸ் வீடியோ அண்மையில் வெளியாகி ரசிகர்களிடம் அமோக வரவேற்பினை பெற்றது குறிப்பிடத்தக்கது.
Kanguva: ‘கங்குவா’ லுக்கில் மிரள வைக்கும் சூர்யா: தொடரும் சஸ்பென்ஸ்.!