விஜய்யின் ‘லியோ’ படப்பிடிப்பு முழுவதுமாக நிறைவடைந்துள்ள நிலையில் அடுத்ததாக ‘தளபதி 68’ பட வேலைகள் எப்போது துவங்கும் என்பது தான் ரசிகர்களின் மிகப்பெரிய எதிர்பார்ப்பாக உள்ளது. வெங்கட் பிரபு இயக்கத்தில் உருவாகவுள்ள இந்தப்படத்தின் அப்டேட்டிற்காக ரசிகர்கள் வெறித்தனமாக காத்திருக்கின்றனர். இந்நிலையில் ‘தளபதி 68’ படம் குறித்து வெளியாகியுள்ள லேட்டஸ்ட் அப்டேட் சோஷியல் மீடியாவில் வைரலாகி வருகிறது.
விஜய்யும், வெங்கட் பிரபுவும் இணைய போகிறார் என்றபோதே கோலிவுட் சினிமாவில் எதிர்பார்ப்பு எகிற ஆரம்பித்தது. தமிழ் சினிமாவில் தொடர்ச்சியாக வித்தியாசமான கதைக்களங்களை கொண்ட படங்களை இயக்கி வரவேற்பை பெற்றவர் வெங்கட் பிரபு. அது மட்டுமில்லாமல் அஜித்தை வைத்து ‘மங்காத்தா என்ற தரமான ஹிட் படத்தையும் கொடுத்துள்ளார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இன்றும் ஏகே ரசிகர்களின் பேவரைட் லிஸ்டில் இந்தப்படம் உள்ளது. இந்நிலையில் தற்போது வெங்கட் பிரபு விஜய்யுடன் இணைந்துள்ளது ரசிகர்கள் மத்தியில் வேறலெவல் எதிர்பார்ப்பை கிளப்பியுள்ளது. அது மட்டுமில்லாமல் இந்தப்படத்திற்கு யுவன் ஷங்கர் ராஜா இசையமைக்கவுள்ளார். ‘புதிய கீதை’ படத்திற்கு பிறகு கிட்டத்தட்ட இருபது ஆண்டுகளுக்கு பிறகு விஜய்யும், யுவனும் இணையவுள்ள சம்பவம் வேறு ரசிகர்களிடையே உச்சகட்ட எதிர்பார்ப்பை கிளப்பியுள்ளது.
இந்நிலையில் ‘தளபதி 68’ படம் குறித்து வெளியாகியுள்ள லேட்டஸ்ட் தகவல்கள் பற்றிய பேச்சுக்கள் தான் சோஷியல் மீடியா முழுக்க வைரலாகி வருகின்றன. அது என்னவென்றால் ‘தளபதி 68’ படம் பொலிடிக்கல் திரில்லராக உருவாகவிருப்பதாகவும், விஜய் இந்தப்படத்தில் இரட்டை வேடங்களில் நடிப்பதாகவும் கூறப்படுகிறது.
விஜய் டூயல் ரோலில் கலக்கிய படங்கள் இத்தனையா.?: திடீரென லிஸ்ட் போடும் ரசிகர்கள்..!
மேலும் விஜய்யின் ஒரு கேரக்டருக்கு ஜோதிகாவும், மற்றொரு கதாபாத்திரத்திற்கு பிரியங்கா அருள் மோகனும் ஹீரோயினாக நடிக்கவுள்ளதாக தகவல்கள் வெளியாகியுள்ளன. அத்துடன் படத்தில் நடிக்கவுள்ள மற்ற நடிகர், நடிகைகளுக்கான தேர்வு நடந்து வருவதாகவும், ‘தளபதி 68’ படப்பிடிப்பு அக்டோபர் இறுதி அல்லது நவம்பர் முதல் வாரத்தில் துவங்கும் எனவும் கூறப்படுகிறது.
ஒரே நேரத்தில் ‘தளபதி 68’ படம் குறித்து வரிசையாக வெளியாகியுள்ள அப்டேட்டால் ரசிகர்கள் குஷியாகியுள்ளனர். விஜய்யின் ‘லியோ’ படப்பிடிப்பு முழுமையாக நிறைவடைந்து தற்போது பேட்ச் ஒர்க் வேலைகள் நடந்து வருகிறது. லோகேஷ் கனகராஜ் இயக்கத்தில் உருவாகியுள்ள ‘லியோ’ படம் வரும் அக்டோபர் 19 ஆம் தேதி வெளியாகவுள்ளது குறிப்பிடத்தக்கது.
20 வருடங்களுக்கு பிறகு விஜய்யுடன் ஜோடி சேர போகும் பிரபல நாயகி: ‘தளபதி 68’ படத்தில் செம்ம ட்விஸ்ட். !