ராப் பாடல்களின் நாயகன்தமிழ் சினிமாவில் பல விதமான பாடல்களை கேட்டு வந்த நமக்கு ஹிப்ஹாப் என்னும் ராப் பாடல்களை பரிட்சயமாக்கிய இசையமைப்பாளர் என்றால் அது கண்டிப்பாக ஹிப்ஹாப் ஆதிதான். இவர் ‘க்ளப்புல மப்புல’ என்னும் ஆல்பம் பாடல் மூலம் பிரபலமானார். இசையை தன் கேரியராக மாற்ற வேண்டும் என்பதற்காக சென்னை வந்து இப்போது இசை மட்டுமல்லாமல், நடிப்பு, தயாரிப்பு என தனது அடையாளத்தை உருவாக்கி இருக்கிறார்.ஹிப்ஹாப் அதியின் செயல்தொடக்க காலத்தில், கல்லூரி நிகழ்வுகள், பொது நிகழ்வுகளில் தனது பாடல் திறமையை வெளிக்காட்டியுள்ளார். இசையமைப்பாளராக ஆனபிறகு, சமூகத்தில் முக்கிய நிகழ்வுகள் நடந்தால் அதற்கும் வரிகள் எழுதி, இசையமைத்து, அவரே பாடி அந்த பாடலை வெளியிட்டு ட்ரெண்ட் செய்வார்.
பாடகர், இசையமைப்பாளர், நடிகர் ஆதிசினிமாவிற்கு இசையமைப்பதற்கு முன்பே சிங்கிள் பாடல்கள், ஆல்பம் என இசை பயணத்தை தொடங்கிவிட்டார் ஆதி. 2015இல் சுந்தர் c இயக்கத்தில் வெளியான ஆம்பள படத்திற்கு இசையமைத்து சினிமாவில் இசையமைப்பாளராக உருவானார். பிறகு பல படங்களுக்கு இசையமைத்து, பாடல்களும் பாடியிருக்கிறார். 2017இல் மீசையை முறுக்கு படத்தின் மூலம் நடிகராக அவதாரம் எடுத்தார். நட்பே துணை, நான் சிரித்தால் , சிவகுமாரின் சபதம், அன்பறிவு, வீரன் போன்ற படங்களில் ஹீரோவாக நடித்திருக்கிறார்.
ஹிப்ஹாப் ஆதி இப்போது முனைவர் ஆதிஇந்நிலையில், இசையில் தனது அடுத்த கட்டத்தை நகர்த்தியிருக்கிறார். இசையில் மிகுந்த ஆர்வம் கொண்ட ஹிப்ஹாப் ஆதி கோயம்பத்தூர் பாரதியார் பல்கலைக்கழகத்தில் கடந்த 5 வருடங்களாக ஆராய்ச்சி மேற்கொண்டு இன்று முனைவர் பட்டமும் பெற்றிருக்கிறார். மியூசிக்கல் ஆன்டர்ப்ரனர்ஷிபில் தனது ஆராய்ச்சியை செய்திருக்கிறார் ஆதி. தனக்கு தெரிந்த இசையை மற்றவர்களுக்கு அகாடமி மூலம் கற்றுக்கொடுப்பதற்காகவே இந்த முனைவர் ஆராய்ச்சியை மேற்கொண்டதாகவும் ஆதி கூறியிருக்கிறார். படத்திற்காக வேலை செய்துக்கொண்டே ஆராய்ச்சியை செய்ததால் கொஞ்சம் சிரமம் ஏற்பட்டதாகவும் கூறினார் ஆதி.
திரும்ப வந்துட்டேன்னு சொல்லு என்கிறார் ஆதிமேலும், தான் சில காலமாக சினிமா, தயாரிப்பு என இறங்கிவிட்டதால், இசையில் கவனம் செலுத்தவில்லை, இனி இசையில் கவனமிருக்கும் எனவும் கூறியிருக்கிறார் ஆதி. அதுமட்டுமல்லாமல், தான் நடித்துள்ள பிடி சார் என்னும் திரைப்படம் 2-3 மாதங்களில் வெளியாகும் எனவும் கூறியிருக்கிறார்.
ரசிகர்களின் பாராட்டுகளை பெறுகிறார் ஆதிநடிப்பு, இசை, இப்போது ஆராய்ச்சி என ஒவ்வொன்றிலும் தனது வெற்றியை பதித்துவரும் ஆதிக்கு பாராட்டுக்கள் குவிந்துவருகிறது.