மம்முட்டியின் சகோதரி காலமானார் : அடுத்தடுத்து தொடரும் சோகம்
நடிகர் மம்முட்டி தற்போது 72 வயதான நிலையிலும் மலையாள திரை உலகில் உச்ச நட்சத்திரமாகவே நடித்து வருகிறார். இந்த வயதிலும் விதவிதமான கதாபாத்திரங்களை ஏற்று நடித்து தனது ரசிகர்களை திருப்திப்படுத்தி வருகிறார். மம்முட்டியைத் தவிர அவரது உடன்பிறந்தவர்கள் யாரும் சினிமாவில் தங்களை இணைத்துக் கொள்ளவில்லை. அந்த வகையில் தற்போது 70 வயதான மம்முட்டியின் சகோதரி அமீனா உடல் நலக்குறைவால் காலமானார். கடந்த சில மாதங்களாகவே தொடர் சிகிச்சை எடுத்து வந்த அவர் வயது மூப்பு காரணமாக இயற்கை எய்தி உள்ளார்.
இதைத் தொடர்ந்து பலரும் அமீனாவின் மறைவுக்கு தங்களது இரங்கல்களையும் அஞ்சலியையும் தெரிவித்து வருகின்றனர். கடந்த ஏப்ரல் மாதம் மம்முட்டியின் தாயார் அவரது 93 வது வயதில் காலமானார். அவர் மறைந்த அடுத்த சில மாதங்களிலேயே மம்முட்டியின் சகோதரியும் தற்போது இந்த உலகை விட்டு சென்றுள்ளது மம்முட்டியின் குடும்பத்தை சோகத்தில் ஆழ்த்தியுள்ளது.