விஜய்யின் லியோ படத்தில் சிக்ஸ் பேக் கெட்டப்பில் சாண்டி மாஸ்டர்!
லோகேஷ் கனகராஜ் இயக்கத்தில் விஜய் நடித்திருக்கும் லியோ படத்தின் இசை வெளியீட்டு விழா ரத்து செய்யப்படுவதாக அறிவிக்கப்பட்டுள்ள நிலையில், இன்று அப்படத்தின் இரண்டாவது சிங்கிள் பாடல் வெளியாக இருப்பதாக படக்குழு அறிவித்துள்ளது. மேலும், இந்த படத்தில் விஜய்- சஞ்சய்தத் சம்பந்தப்பட்ட பல போஸ்டர்கள் வெளியிடப்பட்டுள்ள நிலையில், தற்போது இப்படத்தில் முக்கிய வேடத்தில் நடித்திருக்கும் சாண்டி மாஸ்டரும் லியோ படத்தில் தான் நடித்துள்ள புகைப்படத்தை வெளியிட்டுள்ளார்.
அதில், அவர் சிக்ஸ் பேக் கெட்டப்பில் காணப்படுகிறார். அதோடு, ‛கீப் காம் அண்ட் வெயிட் பார் லோகேஷ் மேஜிக்' என்றும் ஒரு டேக் லைனை பதிவிட்டுள்ளார். இந்த புகைப்படத்தை பார்க்கும் போது, லியோ படத்தில் சாண்டி மாஸ்டரும் ஒரு மிரட்டலான வேடத்தில் நடித்திருக்கிறார் என்பது தெரிகிறது.