லைவ்: ஆசிய விளையாட்டு போட்டிகள்.. பிவி சிந்து அதிர்ச்சி தோல்வி

ஸ்குவாஷ் கலப்பு இரட்டையர் பிரிவு இறுதிப் போட்டியில் மலேசிய அணியை வீழ்த்தி இந்தியா தங்கம் வென்றுள்ளது. இந்தியாவின் தீபிகா பல்லிக்கல்/ ஹரிந்தர் பால் சிங் ஜோடி, மலேசியாவின் அய்ஃபா பிண்டி அஸ்மான்/ முகம்மது சியாஃபிக் பின் முகத் கமல் ஜோடியை 8-3 என்ற செட் கணக்கில் வீழ்த்தி தங்கப் பதக்கத்தை வென்றது. ஆசிய விளையாட்டு தொடரில் இந்தியா வென்றுள்ள  20-வது தங்கம் இதுவாகும்.

மல்யுத்தம் பெண்கள் 50 கிலோ ப்ரீ ஸ்டைல் பிரிவு அரையிறுதி  போட்டியில் இந்தியாவின் பூஜா கெலாட் 0-10 என்ற கணக்கில் ஜப்பான் வீராங்கனையிடம் தோல்வி அடைந்தார்.

ஆசிய விளையாட்டு: கபடி போட்டியில் இந்திய அணி வெற்றி

கபடி குரூப் ஏ பிரிவு லீக் ஆட்டத்தில் இந்தியாவும் சீன தைபே அணியும் மோதின. இப்போட்டியில் அபாரமாக விளையாடிய இந்திய அணி 50-27 என்ற புள்ளிகள் கணக்கில் சீன தைபே அணியை வீழ்த்தியது. குரூப் ஏ பிரிவில் முதலிடத்தில் இருக்கும் இந்திய அணி அரையிறுதி போட்டியில் பாகிஸ்தானை எதிர்கொள்ளும் எனத் தெரிகிறது.

வில்வித்தையில் இந்தியாவுக்கு தங்கம்

ஆசிய விளையாட்டு தொடரின் பெண்கள் வில்வித்தை போட்டியில் இந்திய அணி தங்கம் வென்றுள்ளது.

மல்யுத்தம் பெண்கள் 50 கிலோ ப்ரீ ஸ்டைல் பிரிவு காலிறுதி போட்டியில் இந்தியாவின் பூஜா கெலாட் 5-0 என்ற கணக்கில் மங்கோலியா வீராங்கனையை வென்று அரையிறுதிக்கு முன்னேறியுள்ளார்.

மல்யுத்தம் பெண்கள் 50 கிலோ எடைப்பிரிவு ப்ரீ ஸ்டைல் பிரிவில் இந்தியாவின் பூஜா கெலாட் 10-0 என்ற கணக்கில் வென்று காலிறுதிக்கு முன்னேறினார்.

பேட்மிண்டன் பெண்கள் ஒற்றையர் பிரிவு காலிறுதியில் இந்தியாவின் பி.வி.சிந்து சீன வீராங்கனையிடம் 16-21 என்ற கணக்கில் முதல் செட்டை இழந்தார்.

ஆசிய விளையாட்டு தொடரில் இன்று நடைபெற்ற செபாக் டக்ரா (Sepaktakraw) முதல் நிலை குரூப் பி’ பிரிவு ஆட்டத்தில் இந்தியாவும் தாய்லாந்தும் மோதின. இந்த போட்டியில் இந்திய அணி 0-2 என்ற செட் கணக்கில் தாய்லாந்து அணியிடம் வீழ்ந்தது.