வரி ஏய்ப்பு புகாரில் சிக்கியுள்ள தி.மு.க எம்.பி-யும், முன்னாள் மத்திய அமைச்சருமான ஜெகத்ரட்சகனுக்கு தொடர்புடைய இடங்களில் வருமான வரித்துறை அதிகாரிகள் இன்று காலை முதல் ரெய்டு நடத்திவரும் சம்பவம் அரசியல் வட்டாரங்களில் பேசுபொருளாகியிருக்கிறது.
காலை 6:30 மணியளவில் இந்த நடவடிக்கையில் ஈடுபட்ட வருமான வரித்துறை அதிகாரிகள், சென்னை அடையாரிலுள்ள ஜெகத்ரட்சகனின் வீடு, அலுவலகங்கள், தி.நகரில் அவருக்கு சொந்தமான ஹோட்டல், வேளச்சேரியிலுள்ள பல் மருத்துவமனை, புதுச்சேரியிலுள்ள மருத்துவக் கல்லூரி உட்பட அவருக்குத் தொடர்புடைய 50-க்கும் மேற்பட்ட இடங்களில் வருமானவரி அதிகாரிகள் ரெய்டு நடத்திவருகின்றனர்.
ஜெகத்ரட்சகன் மீது இவ்வாறு ரெய்டு நடப்பது இதுவொன்றும் முதல்முறையல்ல. கடந்த காலங்களில், வெளிநாட்டில் சட்டவிரோதமாக முதலீடு செய்யப்பட்டது தொடர்பாக ஜெகத்ரட்சகன் மீது ரெய்டு நடத்திய அமலாக்கத்துறை, அவருக்கு சொந்தமான ரூ.89.19 கோடி மதிப்புள்ள சொத்துக்களை முடக்கியிருந்தது.
இருப்பினும், தற்போது இந்த ரெய்டுக்கான முழுமையான காரணம் குறித்து வருமான வரித்துறை தரப்பிலிருந்து எந்தவொரு தகவலும் வெளியாகவில்லை. நாடாளுமன்றத் தேர்தல் நெருங்கி வரும் சூழலில், எதிர்க்கட்சிகளின் இந்தியா கூட்டணியில் அங்கம் வகிக்கும் தி.மு.க-வின் எம்.பி மீது இவ்வாறு ரெய்டு நடத்தப்பட்டிருப்பது விவாதத்தை கிளப்பியிருக்கிறது.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://bit.ly/46c3KEk
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.