ஆரம்ப விலை ரூ.21.49 லட்சம் முன்பே டாடா மோட்டார்ஸ் அறிவித்திருந்த நிலையில் RWD பெற்ற 65kwh, 75kwh என இரு பேட்டரி ஆப்ஷனை கொண்ட ஹாரியர்.EV மாடல்களின் விலை பட்டியல் முழுமையாக அறிவிக்கப்பட்டுள்ள நிலையில் முன்பதிவு ஜூலை 2 ஆம் தேதி துவங்குகின்றது.
Harrier.ev Ex-showroom Price list
- Tata Harrier.EV Adventure 65Kwh: ரூ.21.49 லட்சம்
- Tata Harrier.EV Adventure S 65Kwh: ரூ.21.99 லட்சம்
- Tata Harrier.EV Fearless+ 65Kwh: ரூ.23.99 லட்சம்
- Tata Harrier.EV Fearless+ 75Kwh: ரூ..24.99 லட்சம்
- Tata Harrier.EV Empowered 75Kwh: ரூ.27.49 லட்சம்
AC ஃபாஸ்ட் சார்ஜர் மற்றும் பொருத்துவதற்கான கட்டணம் கூடுதலாக வசூலிக்கப்படும். மேலும், AWD வேரியண்ட் விலை இன்னும் அறிவிக்கப்படவில்லை.
ஆரம்ப நிலை 65Kwh பேட்டரியின் ரேஞ்ச் தொடர்பான முழுதகவல் வெளியிடப்படவில்லை, ஆனால் பவர் 238hp வரை வெளிப்படுத்தும், டாப் 75Kwh வேரியண்டின் 234bhp பவரை பின்புற வீல் டிரைவ் மாடல் வெளிப்படுத்தும் நிலையில் ஆல் வீல் டிரைவ் மாடலுக்கு முன்புற வீல் 138hp வெளிப்படுத்தும் என தெரிவிக்கப்பட்டு ஒட்டுமொத்த டார்க் 504NM வெளிப்படுத்தும்.
ஹாரியர் EVயின் RWD 75kWh மற்றும் AWDஓ 75kWh வகைகள் MIDC-சான்றளிக்கப்பட்ட 627km மற்றும் 622km வரை சிங்கிள் சார்ஜில் பயணிக்க முடியும். C75 என அழைக்கப்படும் டாடாவின் உண்மையான ரேஞ்ச் சோதனை மூலம் RWD 75kWh ஆனது 480-505km வழங்கலாம்.
சார்ஜ் செய்வதைப் பொறுத்தவரை, 7.2kW AC சார்ஜர் ஹாரியர் EV 10.7 மணி நேரத்தில் 10-100 சதவீதமாக நிரப்ப முடியும், அதே நேரத்தில் 120kW DC ஃபாஸ்ட் சார்ஜர் SUVயின் பேட்டரியை 25 நிமிடங்களில் 20-80 சதவீதமாக அதிகரிக்கும்.
முதல் உரிமையாளராக ஹாரியர்.EV வாங்குபவர்களுக்கு பேட்டரிக்கு வாழ்நாள் உத்தரவாதத்தைப் பெறுவார்கள் என்பதையும் டாடா மோட்டார்ஸ் உறுதிப்படுத்தியுள்ளது. ஆனால், இரண்டாவது உரிமையாளர் வாங்கிருந்தால் பேட்டரிக்கான உத்தரவாதம் 10 ஆண்டுகள் அல்லது 2,00,000 கிமீ வரை எது முதலில் வருகின்றதோ அதுவரை, முதன்முறையாக வாகனத்தை பதிவு செய்த தேதியில் இருந்து பெறுவார்கள் என கூறப்பட்டுள்ளது.