பஜாஜ் ஆட்டோ நிறுவனத்தின் நிர்வாக இயக்குனர் திரு. ராஜீவ் பஜாஜ் அவர்கள் அளித்துள்ள சமீபத்திய பேட்டியில், டிரையம்ப் நிறுவனத்தின் புதிய 350cc பைக்குகள் வரும் ஏப்ரல் 2026-ல் அறிமுகமாகும் என்பதை உறுதிப்படுத்தியுள்ளார்.
350cc க்கு குறைந்த திறன் பெற்ற பைக்குகளுக்கு இந்தியாவில் 18 % வரி விதிப்பு முறையில் நடைமுறையில் உள்ளதை மிகவும் சிறப்பாக பயன்படுத்திக் கொள்ள பஜாஜ் ஆட்டோ தனது கேடிஎம் மற்றும் டிரையம்ப் பைக்குகளில் உள்ள 400cc வரிசை பெற்ற என்ஜின்களை 350cc ஆக மாற்ற உள்ளது.
தற்பொழுது உள்ள ஸ்பீடு, ஸ்கிராம்பளர், திரக்ஸ்டன் உள்ளிட்ட டிரையம்ப் 400cc பைக்குகள் 350cc-க்கு மேல் இருப்பதால் அவற்றுக்கு 40 சதவீத வரி வசூலிக்கப்படுகிறது.
சந்தையில் உள்ள 400cc பைக்குகளை விட 3 முதல் 5hp வரை பவர் குறைவாக இருக்கலாம். இருப்பினும், லிக்யூட் கூல்டு தொழில்நுட்பம் மற்றும் டிரையம்ப் நிறுவனத்தின் தனித்துவமான தரம் இதில் குறையாது.
இந்த புதிய 350cc மாடல்கள் நேரடியாக ராயல் என்ஃபீல்ட் கிளாசிக் 350, ஹண்டர் 350 மற்றும் ஹோண்டா CB350 போன்ற பைக்குகளை எதிர்கொள்ள உள்ளதால், பட்ஜெட் காரணமாகத் தயங்கியவர்களுக்கு மிகப்பெரிய வரப்பிரசாதமாகும்.