182 சட்டப்பேரவைத் தொகுதிகளைக் கொண்ட குஜராத் மாநிலத்திற்கு, டிசம்பர் 1 ஆம் தேதி முதல் கட்டத் தேர்தலும், 5 ஆம் தேதி, இரண்டாம் கட்டத் தேர்தலும் நடைபெற உள்ளது. இரண்டு கட்டத் தேர்தலிலும் பதிவாகும் வாக்குகள், டிசம்பர் மாதம் 8 ஆம் தேதி எண்ணப்பட்டு முடிவுகள் அறிவிக்கப்பட உள்ளன. குஜராத் மாநிலத்தில், முதலமைச்சர் பூபேந்திர படேல் தலைமையிலான பாஜக ஆட்சி நடைபெற்று வருகிறது. பிரதமர் நரேந்திர மோடி, மத்திய உள்துறை அமைச்சர் அமித் ஷா ஆகியோரது சொந்த மாநிலமான இங்கு, கடந்த 24 ஆண்டுகளாக, பாஜக ஆட்சி அதிகாரத்தில் உள்ளது குறிப்பிடதக்கது.
குஜராத் மாநிலத்தில், மீண்டும் வெற்றி பெற்று ஆட்சியை தக்க வைக்க, ஆளும் பாஜக தீவிரமாக செயல்பட்டு வருகிறது. இங்கு மீண்டும் வெற்றி பெற, பாஜக பல்வேறு வியூகங்களை வகுத்துள்ளது. பிரதான எதிர்க்கட்சியான காங்கிரசும், பாஜகவுக்கு கடும் போட்டி அளிக்க தயாராக உள்ளது. டெல்லி முதலமைச்சர் அரவிந்த் கெஜ்ரிவாலின் ஆம் ஆத்மி கட்சியும், பாஜகவும் டஃப் கொடுக்கும் என கூறப்படுகிறது. இதனால் தேர்தலில் மும்முனைப் போட்டி நிலவுகிறது.
இந்தநிலையில் ஜாம்நகர் தொகுதியின் பாஜக வேட்பாளரும், இந்திய கிரிக்கெட் வீரர் ரவீந்திர ஜடேஜாவின் மனைவியுமான ரிவாபா ஜடேஜா, தனது கணவர் தான் தனக்கு ஊக்கசக்தியாக இருப்பதாக, அவர் தனியார் தொலைக்காட்சி நிறுவனத்திற்கு பேட்டி அளித்துள்ளார். இது குறித்து அவர் கூறும்போது, ‘‘எனது கணவர் எப்போதையும் என்னை ஊக்கப்படுத்தி கொண்டே இருப்பார். அவரது தொடர் உத்வேகத்தால் தான் நான் அரசியலில் போட்டியிட உள்ளேன். கணவனும், மனைவியும் ஒருவருக்கொருவர் துணையாக இருந்து வாழ்ந்துகாட்டுவதே திருமண பந்தத்தின் முக்கிய அம்சமாகும். ஒவ்வொரு ஆணுடைய வெற்றிக்கு பின்னால் ஒரு பெண் இருப்பாள் என கூறப்படுகிறது.
பாஜகவை விமர்சிப்பதால் என்னுடன் நடிக்க அச்சப்படுகிறார்கள்; நடிகர் பிரகாஷ்ராஜ் பேட்டி.!
அதேபோல் ஒவ்வொரு பெண்ணுடைய வெற்றிக்கு பின்னாலும் அவருடைய அப்பா, கணவர் அல்லது சகோதரர் இருக்கிறார் என்பதும் உண்மை. முதன் முதலில் நான் வேட்புமனு தாக்கல் செய்தபோது, எனது கணவர் உடன் இருந்தது உணர்வுப்பூர்வமாக அமைந்தது. திருமணத்திற்கு பிறகும் கணவரின் ஒத்துழைப்புடன் பெண்களால் சாதிக்க முடியும் என, மற்ற தம்பதிகளுக்கு முன்மாதிரியாக திகழ வேண்டும் என்பதே எனது எண்ணம். எனது கணவரே எனக்கு ஊக்கமருந்து’’ என்று ரிவாபா ஜடேஜா தெரிவித்துள்ளார்.