விஜய், லோகேஷ் கனகராஜ் இணையும் ‘லியோ’ டைட்டில் வெளியாகி இணையத்தை கலக்கி வருகிறது. ஆனால் மற்றொரு பக்கம் தங்கள் ஹீரோவின் அடுத்த இயக்குனர் யார் என்றே தெரியாத குழப்பத்தில் இருக்கின்றனர் அஜித் ரசிகர்கள். ‘துணிவு’ படத்தை தொடர்ந்து உருவாகவுள்ள ‘ஏகே 62’ படத்தை யார் இயக்குவார்கள் என்பதே கோலிவுட்டின் தற்போதைய மிகப்பெரிய கேள்வியாக உள்ளது.
அஜித், எச்.வினோத், போனி கபூர் கூட்டணி மூன்றாவது முறையாக இணைந்த ‘துணிவு’ படம் கடந்த 11 ஆம் தேதி வெளியானது. இந்தப்படம் ரசிகர்கள் மத்தியில் அமோக வரவேற்பினை பெற்று வருகிறது. நீண்ட இடைவேளைக்கு பிறகு அஜித்தை செம்ம எனர்ஜியாக இந்தப்படத்தில் பார்த்ததாக ரசிகர்கள் கொண்டாடி வருகின்றனர். மேலும் படத்தின் வசூல் 300 கோடியை கடந்துள்ளதாகவும் கூறப்படுகிறது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் அஜித்தின் அடுத்த படமான ’ஏகே 62’ படத்தை விக்னேஷ் சிவன் இயக்கவுள்ளதகாவும், லைகா நிறுவனம் இந்தப்படத்தை தயாரிக்கவுள்ளதாகவும் ‘துணிவு’ பட ரிலீசுக்கு முன்பே அறிவிப்பு வெளியானது. விஜய் சேதுபதி, நயன்தாரா, சமந்தா நடிப்பில் வெளியான ‘காத்து வாக்குல ரெண்டு காதல்’ படத்திற்கு பிறகு அஜித்தை இயக்குவதாக இருந்தது.
ஆனால் விக்னேஷ் சிவன் அஜித்துக்காக எழுதிய கதை அவருக்கும், தயாரிப்பு நிறுவனத்திற்கு திருப்தி அளிக்கவில்லை என்று கூறப்பட்டது. இதனால் இந்தப்படத்திலிருந்து அவர் விலகியுள்ளதாக கடந்த சில நாட்களாக இணையத்தில் தீயாய் செய்திகள் பரவி வருகிறது. ஆனால் இந்த செய்தி எதுவும் அதிகாரப்பூர்வமாக அறிவிக்கப்படவில்லை.
LEO: அதே டெய்லர்.. அதே வாடகை: விஜய்யின் ‘லியோ’ டைட்டிலை பங்கம் பண்ணும் நெட்டிசன்கள்.!
இந்நிலையில் ட்விட்டரில் இருந்த அஜித்தின் கவர் பிக்சரை மாற்றியுள்ளார் விக்னேஷ். மேலும், பயோவில் ஏகே 62 என இருந்ததை தூக்கிவிட்டு தற்போது விக்கி 6 என மாற்றியுள்ளார். இதனால் ‘ஏகே 62’ படத்திலிருந்து விக்னேஷ் சிவன் விலகியுள்ளது கிட்டத்தட்ட உறுதி செய்யப்பட்டுள்ளது.
Samantha: மோசமான நாட்கள்.. மறக்கவே கூடாது: சமந்தாவின் திடீர் பதிவால் பதறிப்போன ரசிகர்கள்.!
ஏற்கனவே ‘ஏகே 62’ படத்தை மகிழ் திருமேனி இயக்குவதாக தகவல்கள் வெளியானது. இந்நிலையில் தற்போது விக்கி படத்திலிருந்து வெளியேறியுள்ளது உறுதியாகியுள்ளதால் மகிழ் ‘ஏகே 62’ படத்தை இயக்குவது குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது. மீகாமன், தடையற தாக்க, தடம் உள்ளிட்ட ஆக்ஷன் படங்களை இயக்கிய மகிழ் திருமேனியுடன் அஜித் இணைவது ரசிகர்கள் மத்தியில் உச்சக்கட்ட எதிர்பார்ப்பை கிளப்பியுள்ளது.