தமிழ் சினிமாவின் முன்னணி நடிகர்களில் ஒருவராக வலம் வரும் தனுஷ் தற்போது தொடர் வெற்றிகளின் மூலம் புது உத்வேகத்துடன் காணப்படுகின்றார். கர்ணன் படத்திற்கு பிறகு தனுஷின் நடிப்பில் வெளியான திரைப்படங்கள் தொடர்ந்து தோல்வியை சந்தித்து வந்தன. ஜகமே தந்திரம், அத்ராங்கி ரே, மாறன் ஆகிய திரைப்படங்கள் OTT யில் வெளியாகி தோல்வியை சந்தித்தது.
இதன் காரணமாக கட்டாய வெற்றியை எதிர்பார்த்து காத்துக்கொண்டிருந்தார் தனுஷ். அந்த சமயத்தில் தான் மித்ரன் ஜவஹர் இயக்கத்தில் தனுஷ் நடிப்பில் திருச்சிற்றம்பலம் திரைப்படம் மிகப்பெரிய வெற்றியை தனுஷிற்கு தேடி தந்தது. எந்த வித எதிர்பார்ப்புமின்றி வெளியான திருச்சிற்றம்பலம் மிகப்பெரிய வெற்றியை பெற்று வசூலில் சாதனை படைத்தது.
AK62: அந்த ஒரு விஷயத்தில் அஜித்தை இம்ப்ரெஸ் செய்த மகிழ் திருமேனி..!
இதைத்தொடர்ந்து வெளியான நானே வருவேன் திரைப்படம் ஓரளவு வரவேற்பை பெற சமீபத்தில் வெளியான வாத்தி ரசிகர்களின் அமோகமான வரவேற்பை பெற்று வருகின்றது. தமிழ் மற்றும் தெலுங்கில் வெளியான வாத்தி திரைப்படம் என்னதான் கலவையான விமர்சனங்களை பெற்றாலும் சமூக கருத்துயுடைய படமாக இருப்பதால் ரசிகர்களின் ஆதரவு இருந்து வருகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
அதன் காரணமாக இப்படத்தின் வசூலும் நாளுக்கு நாள் அதிகரித்து வருகின்றது. தற்போது வரை வாத்தி திரைப்படம் ஐம்பது கோடிக்கு மேல் வசூலித்து வெற்றிநடைப்போட்டு வருகின்றது. இந்நிலையில் இப்படத்தில் இடம்பெற்ற வா வாத்தி பாடல் ரசிகர்களின் ஹிட் லிஸ்டலில் அமைந்துள்ள நிலையில் தற்போது வா வாத்தி தனுஷ் வெர்ஷன் பாடல் வெளியாகியுள்ளது.
இதைப்பார்த்த ரசிகர்கள் சிலர் தனுஷ் பாடிய வா வாத்தி பாடல் சிறப்பாக இருக்கின்றது. இதையே படத்திலும் பயன்படுத்தியிருக்கலாம் என புலம்பி வருகின்றனர். திரைப்படத்தில் சுவேத்தா மேனன் பாடிய வா வாத்தி சுவேத்தா மேனன் குரலில் பாடல் தான் இடம்பெற்றது.
தனுஷின் குரலில் பாடிய பாடல் இடம்பெறவில்லை. எனவே தான் ரசிகர்கள் தனுஷின் குரலில் பாடிய பாடலை படத்தில் இணைத்திருக்கலாமே என புலம்பி வருகின்றனர் என்பது குறிப்பிடத்தக்கது.