அப்ளையன்ஸ் மேம்படுத்தும் நாட்கள்- அதிகம் விற்பனையாகும் ஏசிகள் மற்றும் பிரிட்ஜ் இல் 50% வரை தள்ளுபடி கிடைக்கும்
ரஜினி, லோகேஷ் கனகராஜ் இணையும் ‘தலைவர் 171’ படத்தை தயாரிக்க பல முன்னணி நிறுவனங்கள் போட்டி போட்டு வருவதாக செய்திகள் வெளியாகி இணையத்தை கலக்கி வருகிறது.
லோகேஷுடன் இணையும் ரஜினிதமிழ் சினிமாவின் தற்போதைய ஹாட் டாபிக்காக இருப்பது ரஜினி, லோகேஷ் கனகராஜ் இயக்கும் படம் குறித்து தான். திரையுலகில் உச்ச நட்சத்திரமாக வலம் வரும் ரஜினி, தொடர் வெற்றிப்படங்களை இயக்கி வரும் லோகேஷுடன் இணைவது ரசிகர்கள் மத்தியில் எக்கச்சக்க எதிர்பார்ப்பினை கிளப்பியுள்ளது. இதனையடுத்து இந்தப்படம் குறித்து வெளியாகும் ஒவ்வொரு தகவலும் சோஷியல் மீடியாவை அதிர விட்டு வருகிறது.
ஜெயிலர்ரஜினி தற்போது ‘ஜெயிலர்’ படத்தில் நடித்து வருகிறார். கடைசியாக இவரது இயக்கத்தில் வெளியான ‘அண்ணாத்த’ படம் சுமாரான வெற்றியையே பெற்றது. சிறுத்தை சிவா இயக்கத்தில் வெளியான இந்தப்படம் நெகட்டிவ் விமர்சனங்களை குவித்ததை தொடர்ந்து தற்போது நெல்சன் திலீப்குமார் இயக்கத்தில் ‘ஜெயிலர்’ படத்தில் நடித்து வருகிறார்.
நெல்சன் இயக்கத்தில் ரஜினிஇதன் படப்பிடிப்பு கடந்த சில மாதங்களாகவே விறுவிறுப்பாக நடந்து வருகிறது. ரம்யா கிருஷ்ணன், தமன்னா, விநாயகன், யோகி பாபு உள்ளிட்டோர் நடித்து வருகின்றனர். அத்துடன் மலையாள நடிகர் மோகன்லால், பாலிவுட் பிரபலம் ஜாக்கி ஷெரப், கன்னட நடிகர் சிவராஜ்குமார், சுனில் உள்ளிட்ட பல மொழிகளை சேர்ந்த நட்சத்திரங்கள் ‘ஜெயிலர்’ படத்தில் நடித்து வருகின்றனர்.
லால் சலாம்இதனிடையில் தனது மகள் ஐஸ்வர்யா இயக்கும் ‘லால் சலாம்’ படத்திலும் நடித்து வருகிறார் ரஜினிகாந்த். விஷ்ணு விஷால், விக்ராந்த் முக்கிய கதாபாத்திரத்தில் நடித்து வரும் இந்தப்படத்தில் ரஜினி கெஸ்ட் ரோலில் நடிக்கிறார். லைகா நிறுவனம் தயாரிக்கும் இந்தப்படத்தில் ரஜினி இஸ்லாமியராக நடிப்பதாக கூறப்படுகிறது. இதனையடுத்து ரஜினியின் அடுத்த படத்தையும் லைகா நிறுவனமே தயாரிக்கவுள்ளது.
ஜெய் பீம் இயக்குனருடன் ரஜினிஇந்தப்படத்தை ‘ஜெய் பீம்’ பட புகழ் தா.செ. ஞானவேல் இயக்கவுள்ளார். உண்மை சம்பவத்தை மையமாக வைத்து உருவாகும் இந்தப்படத்திலும் ரஜினி இஸ்லாமியராக நடிக்கவுள்ளதாக தகவல்கள் வெளியாகியுள்ளன. இதனிடையில் லோகேஷ் கனகராஜ் இயக்கத்தில் ‘தலைவர் 171’ படத்தில் ரஜினி நடிக்கவுள்ளதாக தகவல்கள் வெளியாகி சோஷியல் மீடியாவை அதிரவிட்டு வருகிறது. லோகேஷ் தற்போது விஜய் நடிப்பில் லியோ படத்தை இயக்கி வருகிறார்.
தலைவர் 171இந்நிலையில் ரஜினி, லோகேஷ் கூட்டணியில் உருவாகும் படத்தை தயாரிக்க பல முன்னணி நிறுவனங்கள் போட்டி போட்டு வருவதாக தகவல்கள் வெளியாகியுள்ளன. இதுக்குறித்து பேசிய சினிமா விமர்சகர் வலைப்பேச்சு பிஸ்மி, ‘தலைவர் 171’ படத்தை தயாரிக்கும் வாய்ப்பை கைப்பற்ற சன் பிக்சர்ஸ், செவன் ஸ்கிரீன் ஸ்டுடியோ லலித்குமார், மைத்ரி மூவிஸ் மேக்கர், ஹோம்பாலே பிலிம்ஸ், தில் ராஜு உள்ளிட்ட நிறுவனங்களுக்கு இடையில் கடும் போட்டி நிலவி வருவதாக கூறியுள்ளார். ‘தலைவர் 171’ படம் துவங்குவதற்கு முன்பாகவே தமிழ் சினிமாவில் வேறலெவல் எதிர்பார்ப்பினை கிளப்பி வருகிறது ரஜினி ரசிகர்கள் மத்தியில் கொண்டாட்டத்தை ஏற்படுத்தியுள்ளது.