இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தளபதி 68வாரிசு மற்றும் லியோ படத்தை தொடர்ந்து விஜய் அடுத்ததாக வெங்கட் பிரபுவின் இயக்கத்தில் தளபதி 68 படத்தில் நடிக்கவுள்ளார். தற்போது லியோ படத்தின் படப்பிடிப்பே இன்னும் முடிவடையாத நிலையில் விஜய்யின் அடுத்த படத்தை பற்றிய அதிகாரபூர்வ அறிவிப்பு வெளியானது. யாரும் எதிர்பார்க்காத கூட்டணியில் தளபதி 68 திரைப்படம் உருவாக இருப்பதால் ரசிகர்களின் எதிர்பார்ப்பும் அதிகரித்துள்ளது. AGS நிறுவனம் தயாரிக்கும் இப்படத்திற்கு யுவன் ஷங்கர் ராஜா இசையமைக்கிறார். இதையடுத்து வெங்கட் பிரபு தற்போது தளபதி 68 படத்தின் முழு கதையையும் தயார் செய்யும் பணியில் தீவிரமாக இருக்கின்றார். விரைவில் இப்படத்தின் முழு கதையையும் விஜய் கேட்பார் என எதிர்பார்க்கப்படுகின்றது
ஸ்பெஷல்தளபதி 68 படத்தை வெங்கட் பிரபு இயங்குவதே ஸ்பெஷலாக தான் பார்க்கப்படுகின்றது. பொதுவாகவே வெங்கட் பிரபுவின் படங்கள் வித்தியாசமானதாக இருக்கும். எனவே இதுபோன்ற வித்யாசமான படங்களை கொடுக்கும் இயக்குனரின் இயக்கத்தில் விஜய் நடிக்கப்போகிறார் என்பதே அவரது ரசிகர்களின் எதிர்பார்ப்பை அதிகரித்துள்ளது. மேலும் இப்படத்திற்கு யுவன் ஷங்கர் ராஜா இசையமைக்கவுள்ளார் என்பது ரசிகர்களுக்கு டபுள் ட்ரீட்டாக அமைந்துள்ளது. புதிய கீதை படத்திற்கு பிறகு 20 வருடங்கள் கழித்து விஜய்யின் படத்திற்கு யுவன் ஷங்கர் ராஜா இசையமைக்கவுள்ளார். எனவே விஜய் – வெங்கட் பிரபு – யுவன் ஷங்கர் ராஜா என்ற புது கூட்டணியில் தளபதி 68 திரைப்படம் உருவாவதே ஸ்பெஷலான விஷயமாக பார்க்கப்படுகின்றது
ஷூட்டிங் முதல் ரிலீஸ் வரைதளபதி 68 படத்தின் அறிவிப்பு சில வாரங்களுக்கு முன்பு வெளியான நிலையில் இப்படத்தின் படப்பிடிப்பு எப்போது துவங்கும் என்ற கேள்வி ரசிகர்கள் மத்தியில் இருந்து வருகின்றது. இதையடுத்து விஜய்யின் பிறந்தநாளை முன்னிட்டு இப்படத்தின் பூஜை நடைபெறும் என்றும், ஜூலை மாதம் தளபதி 68 படத்தின் படப்பிடிப்பு துவங்கும் என்றும் எதிர்பார்க்கப்படுகின்றது. மேலும் அடுத்தாண்டு ஏப்ரல் மாதம் தளபதி 68 திரைப்படம் ரிலீசாகும் எனவும் தகவல்கள் வருகின்றன. இந்நிலையில் விஜய் தற்போது லியோ படப்பிடிப்பில் பிசியாக இருக்கும் நிலையில் இன்னும் சில தினங்களில் லியோ படத்தின் படப்பிடிப்பை முடித்துவிட்டு தளபதி 68 படத்திற்காக தயாராவார் என எதிர்பார்க்கப்படுகின்றது
அடுத்த அப்டேட்இந்நிலையில் லோகேஷிடம் எப்படி லியோ படத்தை பற்றியே கேட்டு வந்தார்களோ, அதே போல வெங்கட் பிரபுவிடமும் தளபதி 68 படத்தை பற்றியே கேட்டு வருகின்றனர். சமீபத்தில் ஒரு திரைப்பட விழாவிற்கு வெங்கட் பிரபு வருகை தந்துள்ளார். அப்போது நிருபர்கள் சிலர் தளபதி 68 படத்தின் அடுத்த அப்டேட் எப்போது வரும் என கேட்டுள்ளனர். இதற்கு பதிலளித்த வெங்கட் பிரபு, இன்னும் லியோ படத்தின் படப்பிடிப்பு முடிவடையவில்லை. எனவே லியோ படத்தின் படப்பிடிப்பு முடிந்து படம் வெளியாகட்டும். அதன் பிறகு தளபதி 68 அப்டேட் வரும் என கூறியுள்ளார். இவர் இவ்வாறு கூறியதை அடுத்து தளபதியின் பிறந்தநாளை முன்னிட்டு தளபதி 68 அப்டேட் வெளியாகும் என எதிர்பார்த்த ரசிகர்கள் சற்று ஏமாற்றத்தில் இருக்கின்றனர் என்பது குறிப்பிடத்தக்கது