நேற்றைய தினம் விஜய்யின் பிறந்தநாள் சிறப்பாக கொண்டாடப்பட்டது. திரையுலக பிரபலங்கள், ரசிகர்கள் என அனைவரின் வாழ்த்து மழையிலும் நனைந்தார் விஜய். மேலும், வரிசையாக ‘லியோ’ படத்தின் அப்டேட்களை வாரி வழங்கி ரசிகர்களுக்கு இன்ப அதிர்ச்சி அளித்தனர் படக்குழுவினர். இந்நிலையில் ‘லியோ’ படப்பிடிப்பு தளத்தில் விஜய்யுடன் எடுத்துக்கொண்ட புகைப்படத்தை பகிர்ந்து திரிஷா பிறந்தநாள் வாழ்த்து தெரிவித்துள்ளது இணையத்தில் கவனம் ஈர்த்து வருகிறது.
ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
நடிகர் விஜய்யின் 49 வது பிறந்தநாள் கொண்டாட்டம் நேற்றைய தினம் நடந்தது. நள்ளிரவு 12 மணி முதலே இந்த கொண்டாட்டத்தை ஆரம்பித்த ‘லியோ’ படக்குழு மிரட்டலான பர்ஸ்ட் லுக் போஸ்டர் ஒன்றை வெளியிட்டது. இதனை சோஷியல் மீடியாவில் டிரெண்ட் செய்தனர் ரசிகர்கள். இதனையடுத்து நேற்று மாலை 2000 நடன கலைஞர்களுடன் விஜய் ஆடிய ‘நா ரெடி’ என்ற பர்ஸ்ட் சிங்கிளையும் படக்குழு வெளியிட்டனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அனிருத் இசையில் விஜய் பாடிய இந்தப்பாடல் வெளியாகி ரசிகர்களை குத்தாட்டம் போட வைத்துள்ளது. இதனிடையில் நடிகை திரிஷா, காஷ்மீரில் ‘லியோ’ படப்பிடிப்பின் போது விஜய்யுடன் எடுத்துக்கொண்ட புகைப்படத்தை பகிர்ந்து அவருக்கு பிறந்தநாள் வாழ்த்து தெரிவித்துள்ளார். விஜய் ஜெர்க்கின், கண்ணாடி அணிந்து செம்ம கூலாக இருக்கும் இந்த புகைப்படம் சோஷியல் மீடியாவில் வைரலாகி வருகிறது.
சந்தடி சாக்கில் விஜய்யின் புதிய புகைப்படத்தை பகிர்ந்து இன்ப அதிர்ச்சி கொடுத்துள்ள திரிஷாவிற்கு நன்றி கூறி வருகின்றனர் ரசிகர்கள். நீண்ட இடைவேளைக்கு பிறகு விஜய்யும், திரிஷாவும் இணைந்து ‘லியோ’ படத்தில் நடித்து வருகின்றனர். ரசிகர்களின் பேவரைட் கூட்டணியான இவர்கள் காம்போவில் வெளியான படங்கள் அனைத்தும் பாக்ஸ் ஆபிஸில் மிகப்பெரிய ஹிட் கொடுத்துள்ளது.
Maamannan: ‘மாமன்னன்’ படத்தை பார்த்த கமல்: வெளியான முதல் விமர்சனம்.!
‘மாஸ்டர்’ படத்தின் வெற்றியை தொடர்ந்து இரண்டாவது முறையாக விஜய், லோகேஷ் கனகராஜ் கூட்டணி ‘லியோ’ படத்தில் இணைந்துள்ளனர். இந்தப்படத்தை முழுக்க முழுக்க தன்னுடைய பாணியில் இயக்கி வருகிறார் லோகேஷ். மேலும் இந்தப்படத்தில் விஜய்யின் போர்ஷன் இன்னும் பத்து நாட்கள் மட்டுமே மீதமுள்ளது. முழு வீச்சில் இதன் படப்பிடிப்பு விறுவிறுப்பாக நடந்து வருகிறது.
‘லியோ’ படத்தில் விஜய்க்கு வில்லனாக பிரபல பாலிவுட் நடிகர் சஞ்சய் தத் நடிக்கிறார். மேலும் மிஷ்கின், கெளதம் மேனன், அர்ஜுன், மன்சூர் அலிகான், பிரியா ஆனந்த், மேத்யூ தாமஸ், சாண்டி மாஸ்டர் உள்ளிட்ட பலர் இந்தப்படத்தில் நடிக்கின்றனர். செவன் ஸ்கிரீன் ஸ்டுடியோ தயாரிக்கும் இந்தப்படத்திற்கு அனிருத் இசையமைக்கிறார். ‘லியோ’ படம் வரும் அக்டோபர் 19 ஆம் தேதி ரிலீசாகவுள்ளது குறிப்பிடத்தக்கது.
Thangalaan: ‘தங்கலான்’ படத்திற்காக ஐந்து மணி நேரம்.. மாளவிகா மோகனன் கூறிய ஆச்சரியத் தகவல்.!