சிவகார்த்திகேயன் நடிப்பில் அஸ்வினின் இயக்கத்தில் வெளியான மாவீரன் திரைப்படம் ரசிகர்களின் அமோகமான வரவேற்பை பெற்று வருகின்றது. எளிமையான கதைக்களத்தில் வித்யாசாம் காட்டி ரசிகர்களை மேலும் ஒருமுறை கவர்ந்துள்ளார் இயக்குனர் அஸ்வின்.
அதிதி ஷங்கர், யோகி பாபு, மிஸ்கின் என பலர் நடிப்பில் வெளியான இப்படம் கமர்ஷியல் படமாகவும், அதே சமயத்தில் வித்யாசமான படமாகவும் அமைந்து ரசிகர்களின் பாராட்டை பெற்று வருகின்றது. இதுவரை வெளியான சிவகார்த்திகேயனின் படங்களிலேயே இப்படம் சற்று மாறுபட்டு இருப்பதாக ரசிகர்கள் தங்களின் கருத்துக்களை தெரிவித்து வருகின்றனர்.
மாவீரன் வசூல்
பொதுவாக சிவகார்த்திகேயன் தன் படங்களில் கலகலவென ஜாலியாக நடித்து வந்தார். ஆனால் மாவீரன் படத்தில் முற்றிலும் சீரியஸான ரோலில் நடித்து அனைவரையும் அசத்தியுள்ளார் என்றுதான் சொல்லவேண்டும். ரசிகர்களுக்கு வித்யாசமான சிவகார்த்திகேயனை பார்த்தது அவர்களுக்கு புது அனுபவத்தை தந்தது.
Maaveeran: மோசமான விமர்சனங்களால் தான் நான் மாறினேன்..வெளிப்படையாக பேசிய சிவகார்த்திகேயன்..!
இந்நிலையில் மாவீரன் திரைப்படம் வெளியான முதல் நாளை விட அடுத்தடுத்த நாட்களில் வசூல் அதிகரித்த வண்ணம் இருக்கின்றன. என்னதான் இப்படத்திற்கு மிகப்பெரிய எதிர்பார்ப்பு இருந்து வந்தாலும் முன்பதிவு எதிர்பார்த்த அளவிற்கு இல்லை என்றுதான் சொல்லவேண்டும். இருந்தாலும் படத்திற்கு பாசிட்டிவான விமர்சனங்கள் வந்த நிலையில் முன்பதிவு அதிகரித்து திரையரங்கிற்கு ரசிகர்கள் படையெடுக்க துவங்கினார்கள்.
இதன் காரணமாக மாவீரன் அரங்கம் நிறைந்த காட்சிகளாக ஓடிக்கொண்டிருக்கின்றன. இந்நிலையில் இப்படம் முதல் நாளில் 7கோடி வசூலித்த நிலையில் அடுத்தடுத்த நாட்களில் வசூல் அதிகரித்த வண்ணம் இருக்கின்றன. அந்த வகையில் இப்படம் தற்போது தமிழ்நாட்டில் மட்டும் 29 கோடி வரை வசூலித்துள்ளதாம்.
சாதனை படைத்த சிவகார்த்திகேயன்
மேலும் உலகளவில் இப்படத்தின் வசூல் ஐம்பது கோடியை நெருங்கி வருவதாகவும் தகவல்கள் வருகின்றன. இதைத்தொடர்ந்து படத்திற்கு பாசிட்டிவான விமர்சனங்கள் வருவதாலும், இந்த வாரமும் எந்த பெரிய படமும் வெளியாகாததாலும் மேலும் மாவீரன் படத்தின் வசூல் அதிகரிக்கும் என்றே எதிர்பார்க்கப்படுகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
அந்த வகையில் இதே நிலை தொடர்ந்தால் சிவகார்த்திகேயனின் திரைவாழ்க்கையில் அதிக வசூலை ஈட்டிய படமாக மாவீரன் உருவெடுக்கும் எனவும் எதிர்பார்க்கப்படுகின்றது. இந்நிலையில் மாவீரன் படத்தின் மூலம் மிகப்பெரிய வெற்றியை சிவகார்த்திகேயன் பதிவு செய்துள்ளார் என்பது குறிப்பிடத்தக்கது.