அல்ஜீயர்ஸ்,
ஆப்பிரிக்க நாடான அல்ஜீரியாவின் டமன்ராசெட் மாகாண சாலையில் பஸ் ஒன்று பயணிகளை ஏற்றிக்கொண்டு சென்று கொண்டிருந்தது. அதிகாலையில் அடோல் கிராமச்சாலையில் சென்றபோது டிரைவரின் கட்டுப்பாட்டை அது இழந்தது. இதனால் சாலையில் முன்னே சென்று கொண்டிருந்த கார் மீது மோதி விபத்துக்குள்ளானது.
மோதிய வேகத்தில் பஸ் தலைக்குப்புற கவிழ்ந்து தீப்பிடித்து எரிய தொடங்கியது. பஸ்சிற்குள் இருந்த பயணிகள் வெளியேற முடியாமல் மரண ஓலமிட்டனர். இந்த விபத்தில் 32 பயணிகள் சம்பவ இடத்திலேயே உடல் கருகி உயிரிழந்தனர். தீக்காயங்களுடன் மீட்கப்பட்ட 9 பேர் சிகிச்சைக்காக ஆஸ்பத்திரியில் சேர்க்கப்பட்டுள்ளனர்.
Related Tags :