இந்த வாரம் தியேட்டர் மற்றும் ஓடிடி-யில் வந்திருக்கும் படங்கள்-சீரிஸ்கள் இவைதான்.
தியேட்டர் வெளியீடுகள் – டிசம்பர் 5
துரந்தர் (Dhurandhar):
ரன்வீர் சிங், சஞ்சய் தத், அக்ஷய் கண்ணா ஆகியோர் நடித்திருக்கும் இந்த பாலிவுட் திரைப்படம் நேற்று திரையரங்குகளில் வெளியானது.
களம்காவல் (Kalamkaval):
ஜித்தின் கே. ஜோஸ் இயக்கத்தில் மம்மூட்டி, விநாயகன், ஜிபின் கோபிநாத் ஆகியோர் நடிப்பில் நேற்று திரைக்கு வந்திருக்கிறது. க்ரைம் த்ரில்லர் படமான இதில் மம்மூட்டி வில்லன் கதாபாத்திரத்தில் நடித்திருக்கிறார்.
அங்கம்மாள் (Angammal):
பெருமாள் முருகனின் ‘கொடித்துணி’ சிறுகதையை அடிப்படையாகக் கொண்ட விபின் ராதாகிருஷ்ணன் இயக்கத்தில் கீதா கைலாசம், சரண் சக்தி, பரணி ஆகியோர் நடித்திருக்கும் இப்படம் நேற்று திரையரங்குகளில் வெளியானது.
OTT வெளியீடுகள்:
குற்றம் புரிந்தவன் – சோனி லிவ்:
பசுபதி, விதார்த், லிசி ஆன்டனி, லக்ஷ்மி ப்ரியா சந்திரமௌலி ஆகியோர் நடித்திருக்கும் இந்த க்ரைம் த்ரில்லர் சீரிஸ் சோனி லிவ் தளத்தில் வெளியாகியிருக்கிறது. 7 எபிசோடுகளைக் கொண்ட இந்த சீரிஸ் நல்ல வரவேற்பை பெற்று வருகிறது.
ஸ்டீபன் – நெட்பிளிக்ஸ்:
ஸ்மிருதி வெங்கட், கோமதி ப்ரியா ஆகியோர் நடிப்பில் உருவாகியிருக்கும் இந்தப் படம் நேரடியாக நெட்ஃபிளிக்ஸ் தளத்தில் வெளியாகியிருக்கிறது.
தி கேர்ள்ஃப்ரெண்ட் (The Girlfriend) – நெட்பிளிக்ஸ்:
ராகுல் ரவீந்திரன் இயக்கத்தில் ரஷ்மிகா மந்தன்னா, தீக்ஷித் ஷெட்டி, அனு இமானுவேல், ராவ் ரமேஷ், ரோகிணி நடிப்பில் தியேட்டரில் வெளியான இப்படம் நெட்ஃபிளிக்ஸ் (Netflix) தளத்திற்கு இப்போது வந்திருக்கிறது.
டைஸ் இரே (Dies Irae) – ஜியோ ஹாட்ஸ்டார்:
ராகுல் சதாசிவன் இயக்கத்தில், பிரணவ் மோகன்லால் நடிப்பில் உருவாகியிருக்கும் இத்திரைப்படம் திரையரங்குகளில் வெளியானது. இப்போது இத்திரைப்படம் ஜியோசினிமா தளத்தில் வெளியாகியிருக்கிறது.
மேற்கண்ட படங்கள் மற்றும் சீரிஸ்களில் உங்களுடைய பேவரைட் எது?