ரஜினியின் ஜெயிலர் கிளிம்ப்ஸ் வீடியோ தயாராகிறது!
விஜய்யின் பீஸ்ட் படத்தை இயக்கிய நெல்சன் அடுத்ததாக ரஜினிகாந்தை வைத்து ஜெயிலர் படத்தை இயக்குகிறார். இந்த படத்தில் ரஜினியுடன் சிவ ராஜ்குமார், ஐஸ்வர்யா ராய், ரம்யா கிருஷ்ணன், பிரியங்கா மோகன், யோகி பாபு உள்பட பலர் நடிக்கிறார்கள். அனிருத் இசையமைக்கும் இந்த படத்தின் படப்பிடிப்பு வருகிற ஆகஸ்ட் மாதம் ஹைதராபாத்தில் தொடங்கப்பட உள்ளது. அதற்கான செட் அமைக்கும் பணிகள் தற்போது நடைபெற்று வருகிறது.
இந்த நிலையில் அடுத்த மாதம் ஜெயிலர் படத்தின் படப்பிடிப்பு தொடங்குவதற்கு முன்பே அப்படத்தின் கிளிப்ம்ஸ் வீடியோ ஒன்றை வெளியிட திட்டமிட்டுள்ளார் நெல்சன். இதற்காக கடந்த சில தினங்களுக்கு முன்பு அவர் ஒரு டெஸ்ட் சூட் நடத்தியுள்ளார். இதில் ரஜினி மற்றும் ஜெயிலர் படத்தில் நடிக்கும் முக்கிய நடிகர்களும் கலந்து கொண்டு நடித்துள்ளார்கள். ஆகஸ்டு மாதத்திற்கு முன்பே இந்த கிளிப்ம்ஸ் வீடியோவை வெளியிட இயக்குனர் நெல்சன் திட்டமிட்டுள்ளதாக புதிய தகவல் ஒன்று வெளியாகி இருக்கிறது.