தமிழில் அறிமுகமாகும் மும்பை தியேட்டர் ஆர்ட்டிஸ்ட்
ஆத்தா உன் கோவிலிலே, தமிழ் பொண்ணு, மிட்டா மிராசு ஆகிய படங்களில் நடித்த ரவி ராகுல், சிவரத்தா என்டர்டெயின்மென்ட் தயாரிக்கும் 'ரவாளி' படத்தை இயக்கியுள்ளார். ஆர்.சித்தார்த் கதாநாயகனாக நடிக்க, பாம்பே தியேட்டர் ஆர்ட்டிஸ்ட் ஷா நைரா கதாநாயகியாக நடிக்கிறார். இவர் நடிப்பு கல்லூரியில் முறைப்படி நடிப்பு கற்று மும்பையில் தியேட்டர் ஆர்ட்டிஸ்டாக இருக்கிறார். ஏராளமான ஆங்கிலம் மற்றும் இந்தி நாடகங்களில் நடித்துள்ளார்.
இவர்களுடன் ஜெயபிரகாஷ், பூ விலங்கு மோகன், ரியாஸ் கான், பப்லு, கஞ்சா கருப்பு, அப்புக்குட்டி, சுஜாதா, ஆத்மா ஆகியோர் நடித்துள்ளனர். வினோத் குமார் ஒளிப்பதிவு செய்துள்ளார். ஜெய் ஆனந்த், ஏ.எஸ்.மைக்கேல் யாகப்பன் இருவரும் இணைந்து இசையமைத்து உள்ளனர்.
“தமிழ்நாட்டில் கட்டிட வேலை பார்க்கும் இந்திக்கார பையனை காதலிக்கும் தமிழ் பெண், அவனோடு ஓடிப்போய் திருமணம் செய்கிறார். திடீரென அவன் காணாமல் போக, அவனை தேடும் கதை தான் ரவாளி” என்கிறார் ரவிராகுல்.