கூட்டணியில் அங்கம் வகிக்கும்
, கே.பாலகிருஷ்ணன் உள்ளிட்ட சில முக்கிய தலைவர்களின் செயல்பாடுகள் சமீபகாலமாக, தமிழகத்தில் சலசலப்பையே ஏற்படுத்தி வருகிறது.
தமிழகத்தில் மின் கட்டணம் உயர்த்தப்பட்டதற்கு எதிர்ப்பு தெரிவித்து மார்க்சிஸ்ட் கம்யூனிஸ்ட் கட்சி மாநிலச் செயலாளர் கே.பாலகிருஷ்ணன் எதிர்ப்பு தெரிவித்து இருந்தார். இதுதொடர்பாக பாலகிருஷ்ணன் வெளியிட்டு இருந்த அறிக்கைக்கு திமுக அதிகாரப்பூர்வ நாளேடு ‘முரசொலி’ சரியான பதிலடி கொடுத்துவிட்டது.
சிலந்தி என்ற பெயரில் வெளியாகி இருக்கும் அந்த கட்டுரையில் மார்க்சிஸ்ட் கட்சி ஆளும் கேரளா மாநிலத்தில் கூட சமீபத்தில் மின் கட்டணம் உயர்த்தப்பட்டது. இது தெரியாதா?
எந்த மக்கள் நல அரசாங்கமும், சில சூழ்நிலை காரணமாக இது போன்ற கட்டண உயர்வினை அறிவிக்க வேண்டிய நிலை உருவாகிவிடுகிறது. வலிமையான திமுக கூட்டணியை முறித்துவிட ஒரு கூட்டம் சந்தர்ப்பம் பார்த்து காத்திருக்கிறது.
வெறும் வாயை மென்று சுவைத்து ஜீரணித்து சுகம் காணும் வஞ்சக கூட்டத்துக்கு அவல் வழங்குவதுபோல் உள்ளது என்று அந்த கட்டுரையில் பாலகிருஷ்ணனுக்கு பகிரங்கமாக எச்சரிக்கை விடுக்கப்பட்டு இருந்தது.
கே.பாலகிருஷ்ணனுக்கு மட்டுமல்லாமல் விடுதலை சிறுத்தைகள் கட்சிக்கும் இதேப் போல் எச்சரிக்கை விடுக்கப்பட்டு இருப்பது தமிழக் அரசியலில் பரபரப்பை ஏற்படுத்தி இருக்கிறது. அதாவது பரந்தூர் விமான நிலையம் விவகாரத்தில் அப்பகுதி மக்களை பல்வேறு கட்சியினர் சந்தித்து ஆதரவு வழங்கினர்.
அந்தவரிசையில் விசிக முக்கிய நிர்வாகிகளும் பரந்தூர் பகுதி மக்களை சந்தித்து ஆதரவு வழங்கி இருக்கின்றனர். இதில் ஒருப்படி மேலே போய் திருமாவளவன் பரந்தூர் பகுதி மக்களை சந்தித்து பேச, கடந்த சில தினங்களுக்கு முன்பாக திட்டமிட்டு இருந்ததாக கூறப்படுகிறது.
இதனை உளவுத்துறை மூலம் முன்கூட்டியே அறிந்து கொண்ட தமிழக முதல்வர்
உடனடியாக தொடர்பு கொண்டு கடுமை காட்டியதன் விளைவாக திருமாவளவன் அங்கு செல்லாமல் தவிர்த்துள்ளார்.
இதுபோன்ற விவகாரங்களால் முதல்வர் மு.க.ஸ்டாலின் அப்செட்டில் உள்ளதாகவும் இதன் தொடர்ச்சியாக கூட்டணி கட்சிகளை போனில் அழைத்து கடுமையாக எச்சரித்து விட்டதாகவும் வெளியாகி இருக்கும் தகவல் கூட்டணி கட்சிகள் வட்டாரத்தில் பெரும் பரபரப்பை ஏற்படுத்தி உள்ளது.