தனுஷின் கேப்டன் மில்லர் படத்தில் நடிக்கும் சிவராஜ்குமார்
தனுஷ் நடிப்பில் சமீபத்தில் நானே வருவேன் படம் வெளியானது. அடுத்து வாத்தி வெளியாக உள்ளது. தற்போது அருண் மாதேஸ்வரன் இயக்கத்தில் கேப்டன் மில்லர் படத்தில் நடித்து வருகிறார். தனுஷிற்கு ஜோடியாக பிரியங்கா மோகன் நடிக்கிறார். ஜிவி பிரகாஷ் குமார் இசையமைக்கிறார். மேலும் இப்படத்தில் தெலுங்கு நடிகர் சந்தீப் கிஷான், நிவேதா சதிஷ் ஆகியோர் முக்கிய கதாபாத்திரத்தில் நடிக்கின்றனர்.
இப்படத்தின் முதற்கட்ட படப்பிடிப்பு முடிந்து அடுத்தக்கட்ட படிப்பிடிப்பிற்காக செட் அமைக்கும் வேலைகள் நடந்து வருகிறது. இந்நிலையில் கன்னட நடிகர் சிவராஜ்குமார் இப்படத்தில் முக்கிய கதாபாத்திரத்தில் நடிக்க இருப்பதாக தகவல் வெளியாகியுள்ளது. மேலும் படக்குழுவினரும் சிவராஜ்குமாருடன் பேச்சுவார்த்தை நடத்தியுள்ளனர். இது குறித்த அதிகாரபூர்வ தகவல் விரைவில் வெளியாகலாம் .