கேரளா அரசு, மாநில ஆளுநர் ஆரிப் முகமது கான் ஆகியோருக்கு இடையே உச்சக்கட்ட மோதல் நிலவி வருகிறது. இதன் தொடர்ச்சியாக கேரளா ஆளுநரை நீக்க வேண்டும் என முதல்வர் பினராயி விஜயன் கோரிக்கை விடுத்து வருகிறார்.
இந்த நிலையில் நிதியமைச்சர் கே.என்.பாலகோபாலை பதவி நீக்கம் செய்ய வேண்டும் என்று கேரள ஆளுநர் ஆரிப் முகமது கான் முதல்வர் பினராயி விஜயனுக்கு கடிதம் எழுதி இருந்தார்.
அந்த கடிதத்தில், ‘கடந்த அக்டோபர் 19ம் தேதி திருவனந்தபுரம் பல்கலைக் கழக வளாகத்தில் நடந்த நிகழ்ச்சியில் மாநில நிதி அமைச்சர் பாலகோபால் பேசியது இந்தியாவின் ஒற்றுமைக்கு எதிரானதாகவும், பிராந்தியவாதத்தை ஊக்குவிக்கும் வகையிலும் இருக்கிறது’ என்று, ஆளுநர் ஆரிப் முகமது கான் கடிதத்தில் கூறி இருந்தார்.
களி தின்ன போகும் சீமான்; வெளுத்து வாங்கிய நடிகை!
மேலும் அந்த கடிதத்தில்‘பதவி பிரமாணம் செய்து வைத்தபோது அமைச்சர் எடுத்த உறுதிமொழியை மீறுவதாக இது, அமைந்துள்ளது. உறுதிமொழியை வேண்டும் என்றே மீறுபவர்கள் பதவியில் இருக்க தகுதியானவர்கள் இல்லை. அவர் மீது கடுமையான நடவடிக்கை எடுக்க வேண்டியது அவசியம்’ என்று சற்று காட்டமாகவே ஆளுநர் ஆரிப் முகமது கான் தெரிவித்து இருந்தார்.
இந்த நிலையில் கேரளா நிதி அமைச்சர் கே.என்.பாலகோபால் பேசியது தவறு இல்லை என்றும், அவரை பதவி நீக்கம் செய்ய முடியாது என்றும், முதல்வர் பினராயி விஜயன் தெரிவித்ததாக தகவல் வெளியாகி பெரும் பரபரப்பை ஏற்படுத்தியது.
இப்படிப்பட்ட சூழலில் பாஜக மூத்த தலைவர் சுப்பிரமணியன் சுவாமி வெளியிட்டிருக்கும் டிவிட்டர் பதிவு, கேரளா மாநிலத்தில் பெரும் அதிர்வலையை ஏற்படுத்தி உள்ளது.
எடப்பாடி ஷாக்; கையை விட்டு போகும் அதிமுக!
அந்த டிவிட்டர் பதிவில், ‘ஆளுநர் என்பவர் குடியரசு தலைவரையும், மத்திய அரசையும் பிரதிநிதித்துவப்படுத்துகிறார் என்பதை கேரளா கம்யூனிஸ்ட்கள் புரிந்து கொள்ள வேண்டும்.
கேரளா மாநில ஆளுநரின் ஒரு முடியை தொட்டால் கூட கேரள அரசை கலைக்க மத்திய அரசு தயாராக இருக்க வேண்டும். இவ்வாறு டிவிட்டர் பதிவில் பாஜ மூத்த தலைவர் சுப்பிரமணியன் சுவாமி குறிப்பிட்டுள்ளார்.
மத்திய அரசுக்கு உத்தரவு போடும் வகையில் சுப்பிரமணியன் சுவாமி டிவிட்டரில் தெரிவித்துள்ள கருத்து, தற்போது கேரளா மாநிலத்தில் கொழுந்துவிட்டு எரியத் தொடங்கி இருப்பதால் கேரளா அரசியலிலும் அனல் பறக்கிறது.