'வாத்தி' முதல் சிங்கிள் நவ., 10ல் வெளியாகிறது
வெங்கி அட்லூரி இயக்கத்தில் தனுஷ் சம்யுக்தா மேனன் நடிப்பில் உருவாகி உள்ள படம் வாத்தி. இப்படம் தெலுங்கில் சார் என்ற பெயரில் வெளியாகிறது. தனுஷ் முதன்முதலாக நடித்துள்ள நேரடி தெலுங்கு படம் என்பதால் இந்த படத்திற்கு எதிர்பார்ப்பு அதிகரித்து இருக்கிறது. இப்படத்தில் தனுஷ் மற்றும் சம்யுக்தா மேனன் இடம்பெற்றுள்ள போஸ்டர் சமீபத்தில் வெளியானது. இந்த நிலையில் வருகிற நவம்பர் 10ம் தேதி வாத்தி படத்தின் முதல் சிங்கிள் பாடல் வெளியாகும் என்று அறிவிக்கப்பட்டுள்ளது. இந்தப் பாடலை தமிழில் தனுஷ் எழுத, தெலுங்கில் ராம ஜோகைய்யா சாஸ்திரி என்பவர் எழுதியிருக்கிறார். ஜி.வி. பிரகாஷ் இசையில் இப்பாடலை ஸ்வேதா மோகன் பாடி இருப்பதாகவும் தெரிவிக்கப்பட்டுள்ளது.