மேற்கு வங்க ஆளுநராக பதவி வகித்துவந்த ஜகதீப் தன்கர் குடியரசு துணைத் தலைவராக கடந்த ஜூலை மாதம் தேர்ந்தெடுக்கப்பட்டார்.
இதனையடுத்து மணிப்பூர் மாநில ஆளுநராக பதவி வகித்துவரும் தமிழகத்தைச் சேர்ந்த இல. கணேசன், மேற்கு வங்க ஆளுநராகவும் கூடுதல் பொறுப்பு வகித்து வந்தார்.
இந்த நிலையில் மேற்கு வங்கத்துக்கு தற்போது புதிய ஆளுநர் நியமிக்கப்பட்டுள்ளார். சி.வி. ஆனந்த போஸை மாநிலத்தின் புதிய ஆளுநராக நியமித்து குடியரசுத் தலைவர் திரளபதி முர்மு அதிகாரபூர்வமாக அறிவித்துள்ளார்.
கேரள மாநிலம், கோட்டயம் மாவட்டத்தில் கடந்த 1951 இல் பிறந்த, முன்னாள் ஐஏஎஸ் அதிகாரியான சி.வி. ஆனந்த போஸ், தற்போது மேகாலயா மாநில அரசின் ஆலோசகர் பொறுப்பில் இருந்து வருகிறார் என்பது குறிப்பிடத்தக்கது.