அருண் விஜய்யின் பிறந்த நாளில் வெளியான அச்சம் என்பது இல்லையே முதல்பார்வை
அருண் விஜய் நடிப்பில் யானை மற்றும் சினம் ஆகிய படங்கள் சமீபத்தில் வெளியான நிலையில் தற்போது ஏ.எல்.விஜய் இயக்கத்தில் அச்சம் என்பது இல்லையே என்ற படத்தில் நடித்து வருகிறார். இந்த படத்தில் அவருக்கு ஜோடியாக லண்டன் நடிகை எமி ஜாக்சன் நடிக்கிறார். ஜி.வி .பிரகாஷ் குமார் இசையமைக்கிறார். இதன் படப்பிடிப்பு விறுவிறுப்பாக நடைபெற்று வருகிறது. இந்த நிலையில் இன்றைய தினம் அருண் விஜய்யின் 45வது பிறந்தநாள் என்பதால் படக்குழு அச்சம் என்பது இல்லையே படத்தின் முதல்பார்வை போஸ்டர்களை வெளியிட்டு அவருக்கு பிறந்தநாள் வாழ்த்து தெரிவித்திருக்கிறது. அதில் ஒரு போஸ்டரில் அருண்விஜய் மட்டுமே இடம்பெற்றிருக்க, இன்னொரு போஸ்டரில் ஒரு சிறுமியுடன் நின்று கொண்டிருக்கிறார். இந்த போஸ்டர்கள் தற்போது சோசியல் மீடியாவில் வைரலாகி வருகிறது .