காஜல் படத்துக்காக பின்னணி பாடிய 7 இசையமைப்பாளர்கள்
குலேபகாவலி, ஜாக்பாட் போன்ற படங்களை இயக்கியவர் கல்யாண். இவர் தற்போது காஜல் அகர்வால் முக்கிய வேடத்தில் நடித்துள்ள கோஷ்டி என்ற படத்தை இயக்கியிருக்கிறார். இயக்குனர் கே .எஸ். ரவிக்குமார், யோகி பாபு, ரெடின் லிங்ஸ்லி , மொட்டை ராஜேந்திரன் உள்பட பலர் முக்கிய வேடங்களில் நடித்திருக்கிறார்கள். சாம் சி.எஸ் இசையமைத்துள்ளார்.
தற்போது இப்படத்தில் இடம் பெற்றுள்ள விடுங்கடா விடுங்கடா என்ற பாடலை வெளியிட்டுள்ளார்கள். விவேக் எழுதியுள்ள இந்த பாடலை சந்தோஷ் நாராயணன், விவேக் – மெர்வின், பிரேம்ஜி, லியோன் ஜேம்ஸ், சாம் சிஎஸ், நிவாஸ் கே பிரசன்னா உள்ளிட்ட 7 இசையமைப்பாளர்களுடன் சத்ய பிரகாஷ், குணா ஆகியோரும் இணைந்து பின்னணி பாடி உள்ளார்கள். இந்த பாடல் தற்போது சோசியல் மீடியாவில் வெளியாகி உள்ளது.