ரத்தன் டாடா வாழ்க்கை படம் : சுதா தந்த விளக்கம்
ஏர்டெக்கான் நிறுவனர் கேப்டன் ஜிஆர் கோபிநாத்தின் வாழ்க்கையை தழுவி எடுக்கப்பட்ட படம் ‛சூரரைப்போற்று'. சுதா இயக்க கோபிநாத் வேடத்தில் சூர்யா நடித்தார். அவருடன் அபர்ணா பாலமுரளி, கருணாஸ், காளி வெங்கட் உள்ளிட்ட பலர் நடித்தனர். ஜி.வி. பிரகாஷ் இசையமைத்தார். பாராட்டுகளை பெற்ற இந்த படம் 5 தேசிய விருதுகளையும் வென்றது. தற்போது இந்த படத்தை ஹிந்தியில் அக்ஷய் குமாரை வைத்து ரீ-மேக் செய்து வருகிறார் சுதா.
இந்த படத்தை அடுத்து தொழிலதிபர் ரத்தன் டாடாவின் வாழ்க்கையை தழுவி சுதா படம் இயக்க போவதாக தகவல் வெளியானது. ஆனால் இதை மறுத்துள்ளார். இதுபற்றி சுதா கூறுகையில், ‛‛ரத்தன் டாடாவின் மிகப்பெரிய ரசிகை நான். ஆனால் அவரின் வாழ்க்கை வரலாற்றை படமாக உருவாகும் எண்ணம் இப்போதைக்கு எனக்கு இல்லை. எனது அடுத்த படம் பற்றிய அனைவரின் ஆர்வத்தை காட்டிய அனைவருக்கும் என் நன்றி. விரைவில் அறிவிக்கிறேன்'' என பதிவிட்டுள்ளார்.