பொங்கலுக்கு வெளியாகும் விஜய்யின் ‘வாரிசு’ படத்தினை விட ‘தளபதி 67’ படத்தின் அறிவிப்பிற்காக தான் வெறித்தனமாக காத்திருக்கின்றனர் ரசிகர்கள். தமிழ், தெலுங்கு மொழியில் வம்சி பைடிபல்லி இயக்கத்தில் ‘வாரிசு’ படத்தில் நடித்து முடித்துள்ளார் விஜய். இந்தப்படத்தை தொடர்ந்து அவரின் 67 வது படத்தை லோகேஷ் கனகராஜ் இயக்கவுள்ளார்.
தமிழ் சினிமாவில் தொடர் வெற்றி படங்களை கொடுத்த லோகேஷ், கமலின் ‘விக்ரம்’ படத்தினை தொடர்ந்து விஜய் நடிப்பில் புதிய படம் ஒன்றை இயக்கவுள்ளார். கமலின் அதிதீவிர ரசிகரான லோகேஷ் அவரது நடிப்பிலே ‘விக்ரம்’ படத்தினை இன்டஸ்ட்ரி ஹிட் அனைவரையும் வியக்க வைத்தார். கடந்த மே மாதம் வெளியான இந்தப்படம் திரையுலக பிரபலங்களின் பாராட்டு மற்றும் வசூல் மழையில் நனைந்தது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
‘விக்ரம்’ படத்தினை தொடர்ந்து மீண்டும் விஜயை இயக்கவுள்ளார் லோகேஷ் கனகராஜ். மாஸ்டர் படத்தின் வெற்றிக்கு பிறகு ‘தளபதி 67’ ல் இந்த கூட்டணி மீண்டும் இணைந்துள்ளது. ‘மாஸ்டர்’ படத்தில் விமர்சனரீதியாக எழுந்த சர்ச்சைகளை சரிகட்ட போவதாகவும், இந்தப்படம் ழுழுக்க தன்னுடைய பாணியில் இருக்க போவதாகவும் லோகேஷ் பேட்டிகளில் கூறி வருகிறார்.
மேலும் இந்தப்படத்தில் விஜய் நாற்பது வயதான கேங்க்ஸ்டர் கதாபாத்திரத்தில் நடிக்கவுள்ளதாகவும் கூறப்படுகிறது. இந்தப்படத்தின் பூஜை அண்மையில் நடந்து முடிந்துள்ளது. ஆனால் இதுதொடர்பான புகைப்படங்கள் எதுவும் இணையத்தில் கசியாதபடி கவனமாக உள்ளனர் ரசிகர்கள். மேலும் இந்தப்படத்தின் அதிகாரப்பூர்வ அறிவிப்பிற்காக வெறித்தனமாக காத்திருக்கின்றனர் ரசிகர்கள்.
Rajinikanth: ரஜினி பிறந்தநாளில் மகள் கொடுத்த சர்ப்ரைஸ்: தீயாய் பரவும் புகைப்படம்.!
இந்நிலையில் விஷாலின் ‘லத்தி’ பட டிரெய்லர் விழாவில் கலந்து கொண்ட லோகேஷ் கனகராஜ் ‘தளபதி 67’ படம் குறித்து பேசியுள்ளார். அதில் ‘வாரிசு’ படத்திற்கு பிறகு ‘தளபதி 67’ படம் குறித்த அப்டேட்கள் வெளியாகும் என்று தெரிவித்துள்ளார். மேலும் கேங்க்ஸ்டர் படமாக உருவாகவுள்ளதாகவும் தெரிவித்துள்ளார். இந்த அறிவிப்பு ரசிகர்கள் மத்தியில் மிகப்பெரிய எதிர்பார்ப்பினை கிளப்பியுள்ளது.
Rajinikanth: முதலமைச்சர் தொடங்கி ஷாருக்கான் வரை.. சூப்பர் ஸ்டார் நெகிழ்ச்சி.!
ஏற்கனவே விஷாலிடம் ‘தளபதி 67’ படத்தில் விஜய்க்கு வில்லனாக நடிக்க பேச்சுவார்த்தை நடைபெற்று அதன்பிறகு அவரால் நடிக்க முடியாமல் போனது. மேலும் சஞ்சய் தத், ப்ரித்திவிராஜ் உள்ளிட்டோர் இந்தப்படத்தில் நடிக்கவுள்ளதாக கூறப்படுகிறது. விஜய்யின் ‘வாரிசு’ படம் அடுத்தாண்டு பொங்கலுக்கு வெளியாகவுள்ளது குறிப்பிடத்தக்கது.