தமிழ் சினிமாவில் பிசியான நடிகராக வலம் வருபவர் விஜய் சேதுபதி. தமிழ் மட்டும் இல்லாமல் இந்தி மற்றும் தெலுங்கு மொழி படங்களிலும் பிசியாக நடித்து வருகிறார். திரையிலகில் முன்னணி நடிகராக திகழ்ந்தாலும் கதாநாயகனாக மட்டுமல்லாமல் கதாபாத்திரத்திற்கு முக்கியத்துவம் அளிக்கும் எல்லா கதாபாத்திரங்களிலும் தொடர்ச்சியாக நடித்து வருகிறார்.
தமிழ் சினிமாவில் முன்னணி நடிகராக திகழ்ந்தாலும் ஹீரோ இமேஜ் பார்க்காமல் எல்லா கதாபாத்திரங்களிலும் முத்திரை பதித்து வருகிறார் விஜய். அண்மையில் வெளியான கமலின் ‘விக்ரம்’ படத்தில் விஜய் சேதுபதியின் மிரட்டலான வில்லன் வேடம் ரசிகர்களிடம் அமோக வரவேற்பினை பெற்றது. லோகேஷ் கனராஜ் இயக்கத்தில் வெளியான இந்தப்படத்தில் சந்தனம் என்ற கேரக்டரில் மிரட்டியிருந்தார் விஜய் சேதுபதி.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அண்மையில் பொன்ராம் இயக்கத்தில் காவல்துறை அதிகாரியாக விஜய் சேதுபதி நடித்த ’டிஎஸ்பி’ படம் வெளியானது. இந்தப்படத்தில் அனுகீர்த்தி, குக் வித் கோமாளி புகழ், சாந்தினி, பிக்பாஸ் பிரபலம் ஷிவானி ஆகியோர் முக்கிய கதாபாத்திரங்களில் நடித்துள்ளனர். மேலும் நடிகர் விமலும் கேமியோ ரோலில் நடித்திருக்கிறார். கடும் விமர்சனங்களை சந்தித்த இந்தப்படம் பாக்ஸ் ஆபிசிலும் படு தோல்வியை தழுவியது.
விஜய் சேதுபதி ஹீரோவாக நடிக்கும் படங்களை விட வில்லனாக, கெஸ்ட் ரோலில் நடிக்கும் படங்கள் தான் வெற்றி பெறுவதாக சமூக வலைத்தளங்களில் ட்ரோல் செய்யப்பட்டது. மேலும் அவரின் உடல் எடை குறித்தும் பல நெகட்டிவ் விமர்சனங்கள் வட்டமடித்தது.
Thalapathy 67: வாரிசுக்கு பின்.. ‘தளபதி 67’ படம் குறித்து தரமான அப்டேட் கொடுத்த லோகேஷ்.!
இந்நிலையில், ட்ரோல்களுக்கு பதிலடி கொடுக்கும் விதமாக ஆளே அடையாளம் தெரியாத வகையில் உடல் எடையை எல்லாம் மொத்தமாக குறைத்து ஸ்லிம்மான லுக்கில் மாஸாக மிரர் செல்ஃபி எடுத்த போட்டோவை ஷேர் செய்துள்ளார் விஜய் சேதுபதி. இணையத்தில் வைரலாகும் அவரின் இந்த புதிய தோற்றம் ரசிகர்கள் மத்தியில் ஆச்சரியத்தை ஏற்படுத்தியுள்ளது. எந்த படத்திற்கான புதிய லுக் என ஆர்வத்துடன் ரசிகர்கள் கேட்டு வருகின்றனர்.
Rajinikanth: முதலமைச்சர் தொடங்கி ஷாருக்கான் வரை.. சூப்பர் ஸ்டார் நெகிழ்ச்சி.!
விஜய் சேதுபதி நடிப்பில் யாதும் ஊரே யாவரும் கேளீர், காந்தி டாக்கீஸ் உள்ளிட்ட படங்கள் வெளியாக உள்ளன. இதனிடையில் சூரியை வைத்து வெற்றிமாறன் இயக்கும் ‘விடுதலை’ படத்திலும் நடித்து முடித்துள்ளார். மேலும் ரஞ்சித் ஜெயக்கொடி இயக்கத்தில் சந்தீப் கிஷன் ஹீரோவாக நடிக்கும் ‘மைக்கேல்’ படத்திலும் விஜய் சேதுபதி முக்கிய கதாபாத்திரத்தில் நடித்துள்ளது குறிப்பிடத்தக்கது.