பருத்திவீரன் படம் மூலம் அறிமுகமான கார்த்தி தமிழின் முன்னணி நடிகர்களில் ஒருவராக திகழ்கிறார். சமீபத்தில் இவர் நடித்த விருமன், பொன்னியின் செல்வன், சர்தார் என வரிசையாக மூன்று படங்கள் ஹிட்டடித்துள்ளன. இதனையடுத்து குக்கூ இயக்குநர் ராஜுமுருகன் இயக்கத்தில் ஜப்பான் என்ற படத்தில் நடித்துவருகிறார். இந்தப் படத்தின் மீது ரசிகர்களிடம் எதிர்பார்ப்பு எழுந்துள்ளது. அதேபோல் லோகேஷ் கனகராஜ் இயக்கத்தில் அவர் நடித்த கைதி படம் மெகா ஹிட்டானதை அடுத்து அந்தப் படத்தின் இரண்டாம் பாகத்தில் கார்த்தி நடிக்கவிருக்கிறார். இதுதொடர்பான தகவலை கார்த்தியும், லோகேஷ் கனகராஜும் உறுதி செய்திருக்கின்றனர்.
இந்தச் சூழலில் சோனி ஸ்போர்ட்ஸ் நெட்வொர்க் தொலைக்காட்சி தனது சமூக வலைதள பக்கங்களில் அறிவிப்பு ஒன்றை வெளியிட்டிருந்தது. அந்த அறிவிப்பில் வேர்ல்டு ரெஸ்ட்லிங் எண்டர்டெயின்மென்ட் (WWE) நிகழ்ச்சிக்காக ரெஸ்ட்லிங் சூப்பர் ஸ்டார் ட்ரூவுடன் நடிகர்கள் ஜான் ஆபிரஹாமும், கார்த்தியும் தேர்ந்தெடுக்கப்பட்டிருக்கிறார்கள் என அறிவித்திருந்தது. இதனையடுத்து இருவரும் ரெஸ்ட்லிங் போட்டியில் மோதவிருக்கிறார்களா என்ற கேள்வி ரசிகர்களிடையே எழுந்தது.
இந்நிலையில் தற்போது நடிகர் கார்த்தி மற்றும் ஜான் ஆபிரஹாம் ஆகியோர் பங்கேற்ற ப்ரமோ வீடியோவை சோனி ஸ்போர்ட்ஸ் நிறுவனம் வெளியிட்டிருந்தது. இந்த நிகழ்ச்சி தமிழிலும் ஒளிபரப்பாகவிருக்கிறது.
Ready to take your #WWE Action up a notch
Catch 100% Pure Sports Entertainment LIVE, every week, only on the #SonySportsNetwork @WWE
@WWEIndia@Karthi_Offl#WWEIndia #RAW #NXT #Smackdown pic.twitter.com/Lzoe8t7WaP— Sony Sports Network (@SonySportsNetwk) December 14, 2022
இதன் மூலம் தமிழுக்கான விளம்பர தூதராக நடிகர் கார்த்தி தேர்ந்தெடுக்கப்பட்டிருக்கிறார் என உறுதியாகியிருக்கிறது.