‘ஹரி & மேகன்’ ஆவணத் தொடரின் வெளியீட்டிற்குப் பிறகு, பிரித்தானியாவில் OTT தளங்களை ஒழுங்குபடுத்துவதற்கான புதிய சட்டத்தை ரிஷி சுனக் நிறைவேற்றவுள்ளார்.
பிரித்தானியாவில் OTT தளங்களை ஒழுங்குபடுத்த புதிய சட்டம்- ரிஷி சுனக்
சமீபத்தில் ஒளிபரப்பப்பட்ட இளவரசர் ஹரி மற்றும் மேகன் மார்க்கலின் சர்ச்சைக்குரிய ஆவணப்படத்தை அடுத்து நெட்ஃபிளிக்ஸை ஒழுங்குபடுத்த, நாட்டின் ஒளிபரப்பு கண்காணிப்பு அமைப்பான Ofcom எனப்படும் தகவல் தொடர்பு அலுவலகத்தை பிரித்தானிய பிரதமர் ரிஷி சுனக் அங்கீகரிக்கவுள்ளார்.
Ofcom-ன் அதிகார வரம்பில் அனைத்து புதிய ஸ்ட்ரீமிங் தளங்களையும் வைக்கும் புதிய சட்டத்தை நிறைவேற்ற அமைச்சர்கள் திட்டமிட்டுள்ளனர் மற்றும் இந்த OTT தளங்களுக்கு £250,000 ($3,04,785) வரை அபராதம் விதிக்க அதிகாரம் அளித்துள்ளனர்.
AP
அறிக்கையின்படி, பார்வையாளர்கள் அமேசான் பிரைம், நெட்ஃபிக்ஸ் மற்றும் பிற OTT தளங்களில் ஒளிபரப்பப்படும் நிகழ்ச்சிகளுக்கு எதிராக Ofcom உடன் புகார் அளிக்கவும், புதிய நடத்தை விதிகளை மீறியதற்காக ஸ்ட்ரீமிங் தளங்கள் விசாரிக்கப்படுவதை உறுதி செய்யவும் சட்டம் அனுமதிக்கும்.
ஹரி & மேகன்
கடந்த இரண்டு வாரங்களில் ஒளிபரப்பப்பட்ட நெட்ஃபிளிக்ஸின் ஆறு பாகங்கள் கொண்ட ஆவணத் தொடரான ’ஹரி & மேகன்’ தவறான கூற்றுகளை முன்வைத்ததற்காக விமர்சிக்கப்பட்டதைத் தொடர்ந்து இந்த சட்டத்தை அறிமுகப்படுத்த இங்கிலாந்து அரசாங்கம் திட்டமிட்டுள்ளது.