மோசடிகளை தடுக்க ஆன்லைன் ஷாப்பிங் தளங்கில் பொருட்களை ரேடிங் செய்ய புதிய வழிமுறைகள்!

இந்திய தரநிலைகள் பணியகம்: ஆன்லைன் ஷாப்பிங் வசதியால் பல விஷயங்கள் எளிதாகிவிட்டன. இருப்பினும், வெகுநாட்களாக, பொருட்களுக்கு அதிக அளவில் ரேட்டிங் கொடுத்து, பயனர்களின் போலியான ரிவ்யூக்கள் மூலம் மதிப்பீடு செய்யப்படுவதாக குற்ற சாட்டு எழுந்து வருகிறது. மேலும் பல மோசடி வழக்குகள் அதிகரித்துள்ளன. இந்த காரணத்திற்காக, ஆன்லைன் தளங்களுக்கான விதிகளை அரசாங்கம் அவ்வப்போது மாற்றி வருகிறது. மோசடி அல்லது தரவு திருடும் தளங்களில் இருந்து ஒரு வாடிக்கையாளர் தன்னை எவ்வாறு பாதுகாத்துக்கொள்ளலாம் என்பது பற்றிய தகவலை அரசாங்கம் வழங்கியுள்ளது. மக்களவையில் கேள்வி ஒன்றுக்கு மத்திய நுகர்வோர் விவகாரங்கள், உணவு மற்றும் பொது விநியோகத் துறை இணை அமைச்சர் அஸ்வினி குமார் சவுபே பதிலளித்தார்.

மத்திய அமைச்சர் எழுத்துப்பூர்வமாக அளித்த பதிலில், ‘ஆன்லைன் நுகர்வோர் மதிப்பாய்வு, முதன்மை மற்றும் கட்டமைப்பு’ தொடர்பான அறிவிப்பை இந்திய தரநிலைகள் பணியகம் (BIS) வெளியிட்டுள்ளது. வெகுநாட்களாக, பொருட்களுக்கு அதிக அளவில் போலியாக ரேட்டிங் கொடுத்து, போலியான ரிவ்யூக்கள் மூலம் மதிப்பீடு செய்யப்படுவதாக குற்ற சாட்டு எழுந்து வரும் நிலையில், இ-காமர்ஸில் பொருட்களுக்கு பயன்கள் அல்லது தனிநபர்கள் மூலம் வழங்கப்படும் போலியான மற்றும் தவறான ரிவ்யூக்களால் நுகர்வோர் ஏமாற்றப்படாமல், நுகர்வோரின் நலனைப் பாதுகாக்க சில ஆலோசனைகள் வழங்கப்பட்டுள்ளன. Bureau of Indian Standards வெளியிட்டுள்ள இந்த அறிவிப்பு அனைத்து ஆன்லைன் தளங்களுக்கும் பொருந்தும்.