ஒய் பிரிவு பாதுகாப்புடன் காஷ்மீர் பைல்ஸ் இயக்குனர் வாக்கிங்
இந்தாண்டு துவக்கத்தில் ஹிந்தியில் காஷ்மீர் பைல்ஸ் என்கிற படம் வெளியாகி அரசியல் அரங்கில் மிகப்பெரிய பரபரப்பை ஏற்படுத்தியது. காஷ்மீரில் பண்டிட்டுகள் பலர் கொல்லப்பட்டது மற்றும் அங்கிருந்து பலர் அகற்றப்பட்டதன் பின்னணியை மையமாக வைத்து இந்தப்படம் உருவாகி இருந்தது. விவேக் அக்னிகோத்ரி என்பவர் இயக்கிய இந்தப்படம் மிகப்பெரிய வெற்றியையும் பெற்றது. அதேசமயம் இந்த படத்திற்கு எதிரான கருத்துக்களும் அப்போது கிளம்பின. குறிப்பாக காஷ்மீர் பைல்ஸ் இயக்குனருக்கு சில கொலை மிரட்டல்களும் விடுக்கப்பட்டன. இதனைத் தொடர்ந்து தற்போது அவருக்கு ஒய் பிரிவு பாதுகாப்பு வழங்கப்பட்டுள்ளது.
இந்த நிலையில் தற்போது அதிக அளவில் செல்போன் பேசிக்கொண்டே இயக்குனர் விவேக் அக்னிகோத்ரி வாக்கிங் செல்வதும் அவருக்கு பாதுகாப்பாக ஓய் பிரிவு அதிகாரிகள் நான்கு பேர் கூடவே வருவதுமாக ஒரு வீடியோ தற்போது சோசியல் மீடியாவில் வெளியாகி வைரலாகி வருகிறது.