விஜய் மற்றும் வம்சியின் கூட்டணியில் உருவான வாரிசு திரைப்படம் பொங்கல் பண்டிகையை முன்னிட்டு திரையில் வெளியாகவுள்ளது. ராஷ்மிகா நாயகியாக நடிக்க சரத்குமார், ஷ்யாம், பிரகாஷ் ராஜ், பிரபு என மிகப்பெரிய நட்சத்திர பட்டாளமே இப்படத்தில் நடித்து வருகின்றது.
மேலும் தமன் இப்படத்திற்கு இசையமைத்துள்ளார். செண்டிமெண்ட் நிறைந்த குடும்ப படமாக அதே சமயத்தில் சற்று வித்யாசமாக வாரிசு படம் உருவாகியுள்ளதாக படக்குழுவிடமிருந்து தகவல் வந்துள்ளது. இதையடுத்து ரசிகர்கள் இப்படத்தை காண ஆவலாக இருக்கின்றனர்.
Thunivu: துணிவு படத்தில் இருக்கும் மிகப்பெரிய சர்ப்ரைஸ்..ரசிகர்களுக்கு செம ட்ரீட் தான்..!
இந்நிலையில் இப்படத்திலிருந்து வெளியான பாடல்கள் ரசிகர்களின் எதிர்பார்ப்பை இரட்டிப்பாகியுள்ளது. விஜய் பாடிய ரஞ்சிதமே, சிம்பு பாடிய தீ தளபதி ஆகிய பாடல்கள் செம வைரலாக போய்க்கொண்டிருக்க சமீபத்தில் இப்படத்தின் இசை வெளியீட்டு விழா மிகப்பிரமாண்டமாக நடைபெற்றது.
அனைத்து பாடல்களும் ரசிகர்களின் அமோக வரவேற்பை பெற்று வர இப்படத்தின் இசையமைப்பாளர் தமனை ரசிகர்கள் கொண்டாடி வருகின்றனர். இந்நிலையில் தற்போது இப்படத்தின் ட்ரைலர் பற்றிய அறிவிப்பு ஒன்று வெளியாகியுள்ளது.
அதன் படி வாரிசு படத்தின் ட்ரைலர் டிசம்பர் 31 ஆம் தேதி மாலை ஆறு மணிக்கு வெளியாகும் என தெரிகின்றது. ஆனால் இதைப்பற்றி எந்த ஒரு அதிகாரபூர்வ் அறிவிப்பும் இதுவரை வெளியாகவில்லை. மேலும் வாரிசு படத்துடன் பொங்கலுக்கு அஜித்தின் துணிவு படமும் வெளியாவதால் இருவரும் போட்டி போட்டு அப்டேட் விட்டு வருவதும் குறிப்பிடத்தக்கது.