Varisu Collection: வாரிசு படத்தின் ரூ. 210 கோடி வசூலை பலரும் கேள்வி கேட்டு வரும் நேரத்தில் துணிவு வசூல் என்னாச்சு என விநியோகஸ்தர் ராகுல் தெரிவித்துள்ளார்.
துணிவுஹெச். வினோத் இயக்கத்தில் அஜித் குமார் நடித்த துணிவு படம் பொங்கல் பண்டிகையையொட்டி ஜனவரி 11ம் தேதி ரிலீஸாகி ரசிகர்களின் கைதட்டல்களை பெற்றுள்ளது. வெளிநாடுகளில் துணிவு படத்திற்கு அமோக வரவேற்பு கிடைத்துள்ளது. வட அமெரிக்காவில் மட்டும் 1 மில்லியன் டாலர்களுக்கும் அதிகமாக வசூல் செய்திருக்கிறது துணிவு. ஆனால் இந்தியா வசூல் பற்றி துணிவு பட தயாரிப்பாளர் போனி கபூர் வாய் திறக்கவில்லை. இந்நிலையில் தான் துணிவு படத்தின் தமிழக விநியோகஸ்தர் ராகுல் பேசியிருக்கிறார்.
ராகுல்வெளிநாடுகளில் இருக்கும் வெளிப்படையான பாக் ஆபீஸ் டிராக்கிங் சிஸ்டம் இங்கும் வர வேண்டும் என நம்பிக்கையுடன் காத்திருக்கிறேன் என்பதை டிராக்கர்கள், விமர்சகர்களுக்கு தெரிவித்துக் கொள்கிறேன். அதுவரை பாக்ஸ் ஆபீஸ் ரெக்கார்டுகள் குறித்து சண்டை போடாமால் சினிமாவை என்ஜாய் பண்ணுவோம். இரண்டு படங்களையும் வெற்றி பெற செய்த அனைவருக்கும் நன்றி என ட்வீட் செய்துள்ளார் ராகுல்.
வாரிசுவம்சி பைடிபல்லி இயக்கத்தில் விஜய் நடிப்பில் வெளியான வாரிசு படம் ஒரே வாரத்தில் உலக அளவில் ரூ. 210 கோடி வசூல் செய்துவிட்டது என தயாரிப்பு நிறுவனம் அறிவித்தது. ஆனால் வாரிசு படம் ரூ. 210 கோடி வசூலித்துள்ளது என்று கூறுவது 200 சதவீதம் வாய்ப்பில்லாத ஒன்று என விநியோகஸ்தர் சங்கத் தலைவர் திருப்பூர் சுப்ரமணியன் கூறியதை கேட்ட பலரும் தில் ராஜுவிடம் விளக்கம் கேட்டு வருகிறார்கள்.
வடைரூ. 210 கோடி வசூல் குறித்து ராகுல் வெளியிட்ட மீம் பலரின் கவனத்தையும் ஈர்த்துள்ளது. எதுவும் குறிப்பிடாமல் வடை சுடும் புகைப்படத்தை மட்டும் சமூக வலைதளத்தில் வெளியிட்டார் ராகுல். வசூல் விஷயத்தில் வாரிசு படக்குழு வடை சுடுவதாகக் கூறி தான் இந்த மீம் போட்டிருக்கிறார் என்கிறார்கள் சமூக வலைதளவாசிகள்.
போனி கபூர்துணிவு பட வசூல் குறித்து அப்டேட் எதுவும் கொடுக்காத தயாரிப்பாளர் போனி கபூர் மீது அஜித் ரசிகர்கள் அதிருப்தி அடைந்தார்கள். தற்போது அனைவரும் வாரிசு பட வசூலை கிண்டல் செய்வதை பார்த்த பிறகு, அவசரப்பட்டு போனிஜியை திட்டிட்டோம். அவர் செய்வது சரி. வசூல் விபரத்திற்காக காத்திருப்போம். இனியும் அப்டேட் கேட்க மாட்டோம் என தெரிவித்துள்ளனர். இதற்கிடையே வாரிசு பட வசூலை இஷ்டத்திற்கு கூட்டிச் சொல்லி விஜய்ணாவை வம்பில் சிக்க வைத்துவிட வேண்டாம் என சினிமா ரசிகர்கள் கோரிக்கை விடுத்துள்ளனர்.