தனுஷ் அடுத்ததாக யாருடன் கூட்டணி சேர்கிறார் என்பது அறிந்த ரசிகர்கள் சந்தோஷத்தில் இருக்கிறார்கள்.
தனுஷ்தனுஷுக்கு ராசியான இயக்குநர்களில் ஒருவர் வெற்றிமாறன். தனுஷின் பொல்லாதவன் படம் மூலம் இயக்குநர் அவதாரம் எடுத்தார் வெற்றிமாறன். இதையடுத்து தனுஷை வைத்து ஆடுகளம் படத்தை இயக்கி வெளியிட்டார். அந்த படத்திற்காக சிறந்த நடிகருக்கான தேசிய விருதை பெற்றார் தனுஷ். அதன் பிறகு வெற்றிமாறன் இயக்கத்தில் வட சென்னை, அசுரன் ஆகிய படங்களில் நடித்தார் தனுஷ். அதில் அசுரனுக்காக மீண்டும் சிறந்த நடிகருக்கான தேசிய விருது கிடைத்தது.
தேசிய விருதுஅசுரன் படத்திற்காக தனுஷ் தேசிய விருது வாங்கியது ஸ்பெஷலானது. அதே நிகழ்ச்சியில் சூப்பர் ஸ்டார் ரஜினிகாந்துக்கு தாதா சாகேப் பால்கே விருது வழங்கி கவுரவிக்கப்பட்டது. மாமனாரும், மருமகனும் விருது வாங்கியதை பார்த்த அனைவரும் பாராட்டினார்கள். ஆனால் அதன் பிறகு நடந்ததை தான் யாரும் எதிர்பார்க்கவில்லை.
வட சென்னை 2தனுஷும், வெற்றிமாறனும் மீண்டும் சேர்ந்து படம் பண்ண வேண்டும் என்பது ரசிகர்களின் விருப்பம். அவர்கள் வட சென்னை படத்தின் இரண்டாம் பாகத்தை எதிர்பார்த்து காத்திருக்கிறார்கள். தனுஷை எந்த நிகழ்ச்சியில் பார்த்தாலும் வட சென்னை 2 எப்பொழுது வரும் அண்ணா என கேட்கிறார்கள். இந்நிலையில் தான் வெற்றிமாறன் இயக்கத்தில் தனுஷ் மீண்டும் நடிப்பது தெரிய வந்திருக்கிறது.
ஜூனியர் என்.டி.ஆர்.ஆர்.ஆர்.ஆர். படம் புகழ் ஜூனியர் என்.டி.ஆரிடம் மூன்று கதை சொல்லியிருக்கிறார் வெற்றிமாறன். அதில் ஒரு கதையை ஜூனியர் என்.டி.ஆர். ஓகே செய்துவிட்டார். அந்த படம் இரண்டு பாகங்களாக எடுக்கப்படுகிறதாம். ஜூனியர் என்.டி.ஆரும், தனுஷும் ஹீரோக்களாக நடிக்கிறார்களாம். ஆனால் இரண்டாம் பாகத்தில் தான் தனுஷ் வருவார் என்று கூறப்படுகிறது.
மீண்டும் விருதுவெற்றிமாறன் படத்தில் தனுஷ் மீண்டும் நடித்தால் அவருக்கு மூன்றாவது முறையாக தேசிய விருது கிடைப்பது நிச்சயம் என்று நம்பப்படுகிறது. தனுஷ் தற்போது வாத்தி படத்தின் ரிலீஸுக்காக காத்திருக்கிறார். வெங்கி அட்லூரி இயக்கியிருக்கும் வாத்தி படம் பிப்ரவரி 17ம் தேதி ரிலீஸாகவிருக்கிறது. அருண் மாதேஸ்வரன் இயக்கத்தில் கேப்டன் மில்லர் படத்தில் நடித்து வருகிறார் தனுஷ். இதையடுத்து ஒரு படம் இயக்கப் போகிறாராம்.
வெற்றிமாறன்வெற்றிமாறனோ விடுதலை படத்தை இயக்கி முடித்திருக்கிறார். சூரி ஹீரோவாக நடித்திருக்கும் விடுதலை படம் இரண்டு பாகங்களாக வரவிருக்கிறது. சூர்யாவை வைத்து வாடிவாசல் படத்தை இயக்குகிறார். ஜூனியர் என்.டி.ஆர். கையில் தற்போது மூன்று படங்கள் இருக்கிறது என்பது குறிப்பிடத்தக்கது.