விஜய் தற்போது லோகேஷ் கனகராஜின் இயக்கத்தில் லியோ என்ற படத்தில் நடித்து வருகின்றார். சமீபத்தில் விஜய்யின் நடிப்பில் வெளியான வாரிசு திரைப்படம் வசூல் ரீதியாக மிகப்பெரிய வெற்றியை பெற்று சாதனை படைத்தது.
இதையடுத்து தற்போது விஜய் நடித்து வரும் லியோ திரைப்படத்தை இந்திய சினிமாவே எதிர்பார்த்து காத்துக்கொண்டிருக்கிறது. அதற்கு லோகேஷ் கனகராஜ் மிக முக்கிய காரணம் எனலாம். இவரின் இயக்கத்தில் வெளியான படங்கள் தனித்துவம் வாய்ந்ததாக இருப்பதால் ரசிகர்கள் இவரின் அடுத்த படைப்பை காண ஆவலாக இருக்கின்றனர்.
Leo: பரபரப்பான படப்பிடிப்பு..ஆளே மாறிப்போன லோகேஷ் கனகராஜ்..!
மேலும் லியோ திரைப்படம் முழுக்க முழுக்க லோகேஷின் ஸ்டைலில் உருவாகயிருப்பதால் இப்படம் ரசிகர்களின் எதிர்பார்ப்பை இரட்டிப்பாகியுள்ளது. இந்நிலையில் இப்படத்தில் த்ரிஷா, கௌதம் மேனன், சஞ்சய் தத், மிஸ்கின் என மிகப்பெரிய நட்சத்திர பட்டாளமே நடித்து வருகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதைத்தொடர்ந்து இப்படத்தின் ப்ரோமோ வீடியோ கடந்த வாரம் வெளியாகி மாஸ் ஹிட்டடித்தது. இதையடுத்து தற்போது இப்படத்தின் படப்பிடிப்பு காஷ்மீரில் விறுவிறுப்பாக நடைபெற்று வருகின்றது.
இந்நிலையில் தற்போது லியோ படக்குழு காஷ்மீரில் இருந்து ஒரு புகைப்படத்தை வெளியிட்டுள்ளது. இதில் விஜய் உட்பட லோகேஷ் கனகராஜ், தயாரிப்பாளர் லலித் குமார், கௌதம் மேனன், அன்பறிவு மாஸ்டர் ஆகியோர் இருக்கின்றனர். தற்போது இப்புகைப்படம் இணையத்தில் செம வைரலாகி வருகின்றது குறிப்பிடத்தக்கது.