இயக்குனர் நெல்சனுக்கு ஸ்கூட்டர் பரிசளித்த ஜாக்கி ஷெராப்
'கோலமாவு கோகிலா, டாக்டர், பீஸ்ட்' படங்களை இயக்கிய நெல்சன் திலீப்குமார் தற்போது ரஜினிகாந்த் நடிக்கும் 'ஜெயிலர்' படத்தை இயக்கி வருகிறார். இந்தப் படத்தில் கன்னட நடிகர் சிவராஜ்குமார், தமன்னா, ரம்யா கிருஷ்ணன், சுனில் ஆகியோருடன் ஹிந்தி நடிகரான ஜாக்கி ஷெராப் முக்கிய கதாபாத்திரம் ஒன்றில் நடிக்கிறார்.
கடந்த மூன்று மாதங்களாக சமூக வலைத்தளம் பக்கம் அதிகம் வராத இயக்குனர் நெல்சன் நேற்று தனது சமூக வலைதளப் பக்கத்தில் ஸ்கூட்டரில் அமர்ந்திருக்கும் புகைப்படம் ஒன்றைப் பகிர்ந்து, “இந்த எதிர்பாராத அழகான ஒன்று, உங்கள் எல்லாவிதமான அன்பு ஆகியவற்றிற்கு நன்றி சார்,” என ஜாக்கி ஷெராப்பை டேக் செய்து பதிவிட்டுள்ளார்.
இயக்குனர் நெல்சனின் திறமையையும், அன்பையும் பார்த்து ஜாக்கி ஷெராப், இந்த ஸ்கூட்டரை அவருக்கு வழங்கியிருக்கலாம் எனத் தெரிகிறது. ஒருவேளை ஜாக்கி அவருடைய பங்கு படப்பிடிப்பை 'ஜெயிலர்' படத்தில் முடித்த பிறகு இந்த அன்புப் பரிசை வழங்கியிருக்கலாம்.