எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
லோகேஷ் கனகராஜ் இயக்கத்தில் விஜய் நடிப்பில் உருவாகி வரும் ‘லியோ’ படத்தில் விஜய் சேதுபதி இணைந்துள்ளதாக வெளியாகியுள்ள தகவல் ரசிகர்கள் மத்தியில் எக்கச்சக்க எதிர்பார்ப்பினை கிளப்பியுள்ளது.
விஜய் சேதுபதிதமிழ் சினிமாவில் முன்னணி நடிகராக திகழ்பவர் விஜய் சேதுபதி. கதாநாயகனாக மட்டுமில்லாமல் கதாபாத்திரங்களுக்கு முக்கியத்துவம் அளிக்கும் படங்களையும் தேர்ந்தெடுத்து நடித்து வருகிறார். அண்மையில் வெற்றிமாறனின் ‘விடுதலை’ படத்தில் வாத்தியாராக நடித்து மிரட்டியிருந்தார். இந்நிலையில் விஜய் சேதுபதி ‘லியோ’ படத்தில் இணைந்துள்ளதாக வெளியாகியுள்ள தகவல் ரசிகர்கள் மத்தியில் உச்சக்கட்ட எதிர்பார்ப்பினை கிளப்பியுள்ளது.
ஓடிடியில் கலக்கும் விஜய் சேதுபதிதமிழ் சினிமாவில் பிசியான நடிகராக வலம் வருகிறார் விஜய் சேதுபதி. தமிழ் மட்டுமில்லாமல் பிற மொழி படங்களிலும் நடித்து வருகிறார். அண்மையில் ஓடிடி ரிலீசாக வெளியான ‘பார்ஸி’ இணைய தொடரில் ஷாகித் கபூருடன் இணைந்து நடித்தார். அதிக பார்வையாளர்கள் பார்த்த இணைய தொடராக டிரெண்டிங்கில் கலக்கி வருகிறது பார்ஸி.
வாத்தியாராக விடுதலையில்இதனிடையில் ‘விடுதலை’ படமும் வெளியாகி விஜய் சேதுபதிக்கு வேறலெவல் வரவேற்பை கொடுத்துள்ளது. வாத்தியாராக மிரட்டிவிட்டதாக அவரை பாராட்டி தள்ளி வருகின்றனர் ரசிகர்கள். இந்நிலையில் லோகேஷ் கனகராஜ் ‘லியோ’ படத்திற்காக விஜய் சேதுபதியிடம் கால்ஷீட் கேட்டுள்ளதாக தகவல்கள் வெளியாகி சோஷியல் மீடியாவை அதிர வைத்து வருகிறது.
லியோகோலிவுட் சினிமா ரசிகர்கள் பெரிதும் எதிர்பார்க்கும் படமாக ‘லியோ’ உருவாகி வருகிறது. விஜய் நடிப்பில் உருவாகி வரும் இந்தப்படத்தில் கேஜிஎப் வில்லன் சஞ்சய் தத், பிரபல இயக்குனர்கள் மிஷ்கின், கெளதம் மேனன் மற்றும் திரிஷா, அர்ஜுன், பிரியா ஆனந்த், சாண்டி மாஸ்டர், மன்சூர் அலிகான் உள்ளிட்டோர் நடித்து வருகின்றனர்.
லியோவில் இணையும் விஜய் சேதுபதிஇந்நிலையில் தற்போதைய லேட்டஸ்ட் தகவலின்படி ‘லியோ’ படத்திற்காக விஜய் சேதுபதியிடம் லோகேஷ் கனகராஜ் மூன்று நாட்கள் கால்ஷீட் வாங்கியுள்ளதாக தகவல்கள் வெளியாகியுள்ளன. ஆனால் இதில் ட்விஸ்ட்டாக விஜய் சேதுபதி ‘லியோ’ படத்தில் நடிக்கவில்லையாம். அவர் இந்தப்படத்திற்கு பின்னணி குரல் கொடுக்கவுள்ளதாக கூறப்படுகிறது. அனேகமாக விஜய் சேதுபதியின் குரலுடன் ‘லியோ’ படம் துவங்கலாம் என தகவல்கள் வெளியாகியுள்ளன.
மீண்டும் லோகேஷ் கனகராஜுடன் கூட்டணிவிஜய், லோகேஷ் கனகராஜ் கூட்டணியில் ஏற்கனவே வெளியான ‘மாஸ்டர்’ படத்தில் பவானியாக நடித்து மிரட்டியிருந்தார் விஜய் சேதுபதி. அதனை தொடர்ந்து கடந்தாண்டு உலகநாயகன் கமல் நடிப்பில் வெளியான ‘விக்ரம்’ படத்தில் சந்தனம் என்ற கேரக்டரில் நடித்திருந்தார். இந்நிலையில் தற்போது மூன்றாவது முறையாக லோகேஷ் கனகராஜுடன் விஜய் சேதுபதி இணையவுள்ளதாக வெளியாகியுள்ள தகவல் ரசிகர்கள் மத்தியில் எக்கச்சக்க எதிர்பார்ப்பினை கிளப்பியுள்ளது.