பவல் கல்யாண் ஜோடியாகும் பிரியங்கா மோகன்
தமிழில் டாக்டர், டான், எதற்கும் துணிந்தவன் படங்களில் நாயகியாக நடித்தவர் பிரியங்கா மோகன். தற்போது கேப்டன் மில்லர் படத்தில் நடித்து வருகிறார். ஏற்கனவே தெலுங்கில் நடித்துள்ள இவருக்கு இப்போது பவன் கல்யாண் ஜோடியாக நடிக்கும் வாய்ப்பு வந்துள்ளது.
சாஹோ திரைப்படத்தின் இயக்குனர் சுஜித் இயக்கத்தில் நடிகர் பவல் கல்யாண் நடிப்பில் உருவாகி வரும் படம் ஓ.ஜி . இந்த படத்தை ஆர்.ஆர்.ஆர் படத்தை தயாரித்த டிவிவி எண்டர்டெயின்மெண்ட் நிறுவனம் தயாராக்கிறது. கேங்க்ஸ்டர் கதை களத்தில் உருவாகும் இந்த படத்தில் ஏற்கனவே ஸ்ரீ லீலா இணைந்துள்ளார். இப்படத்தின் படப்பிடிப்பு அடுத்த வாரம் மும்பையில் தொடங்குகிறது.
இந்நிலையில் இப்போது இன்னொரு கதாநாயகியாக பிரியங்கா மோகன் ஒப்பந்தம் ஆகியுள்ளாராம். இது குறித்து அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.