ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
பரியேறும் பெருமாள் என்ற படத்தின் மூலம் தமிழ் சினிமாவில் இயக்குனராக அறிமுகமானார் மாரி செல்வராஜ். அப்படம் மிகப்பெரிய வெற்றியை மட்டும் பெறாமல் ரசிகர்கள் மத்தியில் மிகப்பெரிய தாக்கத்தை ஏற்படுத்தியது. இயக்குனர் ராமிடம் உதவி இயக்குனராக பணியாற்றிய மாரி செல்வராஜிற்கு பா.ரஞ்சித்தின் தயாரிப்பில் பரியேறும் பெருமாள் என்ற படத்தை இயக்க வாய்ப்பு கிடைத்தது.
Maamannan: மாமன்னன் படத்தின் ஐந்தாம் நாள் வசூல் விவரம்..கெத்து காட்டும் உதயநிதி..!
அந்த வாய்ப்பை சரிவர பயன்படுத்திய மாரி செல்வராஜ் அதன் மூலம் வெற்றியை பதிவு செய்தார். இதைத்தொடர்ந்து தனுஷை வைத்து கர்ணன் என்ற படத்தை இயக்கும் வாய்ப்பை பெற்றார் மாரி செல்வராஜ். அந்தவாய்ப்பையும் நன்கு பயன்படுத்தி கர்ணன் படத்தையும் வெற்றிப்படமாக மாற்றி தமிழ் சினிமாவில் முன்னணி இயக்குனர்களின் வரிசையில் இடம்பிடித்தார் மாரி செல்வராஜ்.
கல்லூரி படிப்பு
அதன் பின் இவரின் இயக்கத்தில் நடிக்க பல நடிகர்கள் ஆர்வம் காட்ட
உதயநிதி
இவரை புக் செய்தார். தன் கடைசி படத்தை மாரி செல்வராஜ் தான் இயக்கவேண்டும் என அடம்பிடித்து மாமன்னன் படத்தை இயக்க வைத்தார் உதயநிதி. இந்நிலையில் சில நாட்களுக்கு முன்பு வெளியான மாமன்னன் திரைப்படம் ரசிகர்களின் பேராதரவை பெற்று வெற்றிகரமாக ஓடிக்கொண்டிருக்கிறது.
மாமன்னன் திரைப்படம் வெளியான ஐந்து நாட்களில் இப்படம் ஐம்பது கோடி வசூலை எட்டியுள்ளது. இந்நிலையில் மாமன்னன் ப்ரோமோஷன் நிகழ்ச்சிகளில் கலந்துகொண்ட மாரி செல்வராஜ் தன் திரைவாழ்க்கையை பற்றியும், தனிப்பட்ட வாழ்க்கையை பற்றியும் பல விஷயங்களை பேசியுள்ளார்.
மாரி செல்வராஜ் பேச்சு
அந்த வகையில் தான் கல்லூரி படிப்பை தன்னால் படித்து முடிக்கவில்லை என்றும், பட்டப்படிப்பை முடிக்கமுடியாததால் இன்று வரை வருத்தப்பட்டு வருவதாகவும் கூறியுள்ளார். மேலும் அவர் கூறியதாவது, நான் சட்டக்கல்லூரியில் பல கனவுகளுடன் சேர்ந்தேன். ஆனால் அங்கெ நடந்த சில சம்பவங்களால் தான் மாறிவிட்டதாகவும் கூறினார் மாரி செல்வராஜ். கல்லூரியில் நடந்த சில சம்பவங்கள் என் பார்வையை முழுமையாக மாற்றிவிட்டன. அதன் பிறகு நான் வேறொரு ஆளாக மாறினேன் என்றார் மாரி செல்வராஜ் என்பது குறிப்பிடத்தக்கது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்