சிவகார்த்திகேயனின் ‘மாவீரன்’ படம் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. மடோன் அஸ்வின் இயக்கத்தில் ரிலீசாகியுள்ள இந்தப்படத்திற்கு பல தரப்பிலிருந்தும் பாசிட்டிவ் விமர்சனங்கள் குவிந்து வருகிறது. வசூலிலும் மாவீரன் படம் மாஸ் காட்டி வருவதாக கூறப்படுகிறது. இந்நிலையில் ‘மாவீரன்’ படம் குறித்து இயக்குனர் ஷங்கர் தனது ட்விட்டர் பக்கத்தில் பகிர்ந்துள்ள பதிவு இணையத்தில் வைரலாகி வருகிறது.
‘பிரின்ஸ்’ பட தோல்வியில் இருந்து சிவகார்த்திகேயனை ‘மாவீரன்’ பட மீட்கும் என்ற நம்பிக்கை வீண் போகவில்லை. பேண்டஸி ஜானரில் வெளியாகியுள்ள இந்தப்படத்திற்கு அனைத்து தரப்புலிருந்தும் பாராட்டுக்கள் குவிந்து வருகின்றன. மேலும், ‘மாவீரன்’ படத்தில் சிவகார்த்திகேயன் வித்தியாசமான நடிப்பினை வழங்கியுள்ளதாகவும் படம் பார்த்தவர்கள் கருத்து தெரிவித்து வருகின்றனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
‘மண்டேலா’ படத்தின் மூலம் ரசிகர்கள் மத்தியில் கவனம் ஈர்த்தவர் இயக்குனர் மடோன் அஸ்வின். கொரோனா காலக்கட்டத்தில் வெளியானதால் இந்தப்படம் திரையரங்குகளில் ரிலீசாகவிலை. டிவியிலும், ஓடிடியிலும் நேரடியாக ‘மண்டேலா’ படம் வெளியானது. யோகி பாபு நடிப்பில் வெளியாகி பாராட்டுக்களை குவித்தது. அத்துடன் தனது முதல் படத்திலே தேசிய விருதினையும் பெற்றார் மடோன் அஸ்வின்.
இதனையடுத்து அவர் தனது இரண்டாவது படத்திலே சிவகார்த்திகேயனுடன் இணைந்தது ரசிகர்கள் மத்தியில் மிகுந்த எதிர்பார்ப்பினை கிளப்பியது. இந்நிலையில் நேற்றைய தினம் வெளியாகியுள்ள ‘மாவீரன்’ படத்திற்கு அமோக வரவேற்பு கிடைத்து வருகிறது. இந்தப்படத்தில் சிவகார்த்திகேயன் ஜோடியாக பிரம்மாண்ட இயக்குனரின் மகள் அதிதி நடித்திருந்தார்.
Leo: ‘லியோ’ குறித்து வெளியான சூப்பர் அப்டேட்: ஜெட் வேகத்தில் லோகேஷ் கனகராஜ்.!
இந்நிலையில் ‘மாவீரன்’ படம் குறித்து இயக்குனர் ஷங்கர் தனது ட்விட்டர் பக்கத்தில் பகிர்ந்துள்ள பதிவு இணையத்தில் வைரலாகி வருகிறது. அதில், ‘மாவீரன் அற்புதமாக எழுதப்பட்ட மடோன் அஸ்வினின் புத்திசாலித்தனம். கிளாஸ் மாஸ் என்டர்டெய்னர். திரைக்கதைக்குள் உள்ள அற்புதமான நகைச்சுவை உணர்வு ரசிக்கும்படி உள்ளது. சிவகார்த்திகேயன் பாராட்டுக்குரிய நடிப்பினை வழங்கியுள்ளார்.
அதிதி தனக்கு வழங்கப்பட்ட கதாபாத்திரத்தை சிறப்பாக செய்துள்ளார். சரிதா, யோகி பாபு மற்றும் மிஷ்கின் ஆகியோர் அருமையாக நடித்துள்ளனர். ஆக்ஷன் காட்சிகள் மற்றும் அதனை உருவாக்குய விதம் கவனம் ஈர்க்கிறது. இந்தப்படத்திற்காக உழைத்த அனைவருக்கும் பாராட்டுக்கள். நிச்சயமாக குடும்பத்துடன் ரசிக்க கூதிய புது அனுபவமாக இருக்கும் என குறிப்பிட்டுள்ளார். இயக்குனர் ஷங்கரின் இந்த ட்விட்டர் பதிவு சோஷியல் மீடியாவில் வைரலாகி வருகிறது.
Simbu: ‘எஸ்டிஆர் 48’ பட லுக்கா.? வெறித்தனமாக ரெடியாகும் சிம்பு: தீயாய் பரவும் புகைப்படம்.!