நேற்றைய தினம் திரையரங்குகளில் வெளியாகியுள்ள ‘மாவீரன்’ படத்திற்கு ரசிகர்கள் மத்தியில் நல்ல ரெஸ்பான்ஸ் கிடைத்து வருகிறது. ‘பிரின்ஸ்’ பட படு தோல்விக்கு பிறகு இந்தப்படம் மூலமாக தரமான வெற்றியை கொடுத்துள்ள சிவகார்த்திகேயனை கொண்டாடி வருகின்றனர் ரசிகர்கள். இந்நிலையில் ‘மாவீரன்’ படம் குறித்து இயக்குனர் மடோன் அஸ்வின் பேசியுள்ளது இணையத்தில் வைரலாகி வருகிறது.
டான், பிரின்ஸ் படங்களை தொடர்ந்து இந்தப்படத்தில் நடித்துள்ளார் சிவகார்த்திகேயன். பேண்டஸி ஜானரில் இந்தப்படம் வெளியாகியுள்ளது. நேற்றைய தினம் ரிலீசான இந்தப்படத்தின் முதல் நாள் முதல் காட்சியை ரசிகர்களுடன் சென்னையில் உள்ள பிரபல திரையரங்கில் பார்த்தார் சிவகார்த்திகேயன். படம் முடித்து திரையரங்கை விட்டு வெளியில் வந்த அவர், படத்திற்கு கிடைத்து வரும் வரவேற்பு குறித்து மகிழ்ச்சியுடன் செய்தியாளர்களிடம் பேசினார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் ரசிகர்களோடு ‘மாவீரன்’ படத்தை பார்த்த இயக்குனர் மடோன் அஸ்வின் செய்தியாளர்களை சந்தித்து பேசினார். அப்போது, ‘படத்திற்கு நல்ல வரவேற்பு கிடைத்துள்ளது ரொம்ப மகிழ்ச்சியாக உள்ளது. முக்கியமாக காமெடி காட்சிகளை மக்கள் ரசித்து பார்த்தார்கள். என்னுடைய முதல் படத்தை திரையரங்கில் பார்க்கிறேன். மண்டேலாவிற்கு அந்த வாய்ப்பு கிடைக்கவில்லை.
இந்தப்படத்தை சில நிகழ்வுகளை மையமாக வைத்து தான் எடுத்தோம். யாரையும் காயப்படுத்தி விடக்கூடாது என்பதில் உறுதியாக இருந்தோம். பொதுவாக எல்லா ஹவுசிங் போர்டும் ஒரே கலரில் தான் இருக்கும். சென்னை கே.பி. பார்க்கிலும் இந்த பிரச்சனைகள் உள்ளது. இதனை ஒரு ரெஃபரன்ஸாக எடுத்து கொண்டாமே தவிர, யாரையும் குறிப்பிட்டு எடுக்கவில்லை.
‘லால் சலாம்’ படப்பிடிப்பை முடித்த கையோடு ரஜினி செய்துள்ள காரியம்: தீயாய் பரவும் புகைப்படம்.!
இது சூப்பர் ஹீரோ படம் இல்லை. பேன்டஸி படம் தான். அரசியல் படமாக மாற்றி விடாதீர்கள். உதயநிதி படம் பார்த்துவிட்டு இரண்டு தம்ப்ஸ் அப் கொடுத்திருந்தது மகிழ்ச்சியாக இருந்தது. விஜய் சேதுபதி டப்பிங்கில் படம் பார்த்த போதே ரசித்து பார்த்தார். இவ்வாறு செய்தியாளர்கள் சந்திப்பில் ‘மாவீரன்’ படம் குறித்து பேசியுள்ளார் மடோன் அஸ்வின்.
‘மாவீரன்’ படத்தில் வித்தியாசமான சிவகார்த்திகேயனை பார்த்துள்ளதாக ரசிகர்கள் கொண்டாடி தீர்த்து வருகின்றனர். அதே போல் வில்லனாக அரசியல்வாதி ரோலில் கலக்கியுள்ளார் இயக்குனர் மிஷ்கின். மேலும், சிவகார்த்திகேயன் அம்மாவாக நடித்துள்ள சரிதா மற்றும் யோகி பாபு ஆகியோரின் கதாபாத்திரங்களுக்கும் பாராட்டுக்கள் குவிந்து வருகிறது. மேலும், மாவீரன் படத்திற்கு நேற்றைய தினம் நல்ல ஓபனிங் கிடைத்துள்ளது குறிப்பிடத்தக்கது.
Leo: ‘லியோ’ குறித்து வெளியான சூப்பர் அப்டேட்: ஜெட் வேகத்தில் லோகேஷ் கனகராஜ்.!