ஜெயிலர் திரைப்படம் முதல் நாளில் மட்டும் இத்தனை கோடி வசூலிக்குமா ? அடேங்கப்பா..!

ரஜினி தற்போது நெல்சனின் இயக்கத்தில் ஜெயிலர் படத்தில் நடித்து முடித்துள்ளார். சன் பிக்சர்ஸ் தயாரிப்பில் உருவாகும் இப்படத்திற்கு அனிருத் இசையமைத்து வருகின்றார். கடந்தாண்டு ஆகஸ்ட் மாதம் துவங்கப்பட்ட இப்படத்தின் படப்பிடிப்பு தற்போது முடிவடைந்து அடுத்த மாதம் வெளியீட்டிற்கு தயாராகி வருகின்றது.

ஆகஸ்ட் 10 ஆம் தேதி வெளியாகும் இப்படத்தின் ப்ரோமோஷன் வேலைகள் தற்போது விறுவிறுப்பாக போய்க்கொண்டிருக்கிறது. அந்த வகையில் சில வாரங்களுக்கு முன்பு ஜெயிலர் படத்தில் இருந்து காவாலா என்ற பாடல் வெளியாகி மாஸ் ஹிட்டடித்த நிலையில் தற்போது ஹுக்கும் என்ற பாடல் வெளியாகி பெரும் பரபரப்பை ஏற்படுத்தியுள்ளது.

Thalaivar 171: தலைவர் 171 படத்தில் இத்தனை ஹீரோக்களா ? லிஸ்ட் போய்கிட்டே இருக்கே..!

இப்பாடலில் இடம்பெற்ற வரிகள் தான் இந்த சலசலப்பிற்கு காரணமாக அமைந்துள்ளது. சூப்பர்ஸ்டார் பட்டத்தை பற்றி இப்பாடல் வரிகளில் இடம்பெற்றது தான் பரபரப்பை ஏற்படுத்தியுள்ளது. இருந்தாலும் இப்பாடல் மிகப்பெரிய அளவில் ஹிட்டடித்துள்ளது.

ஜெயிலர் முதல் நாள் வசூல்

இந்நிலையில் இப்படம் துவங்கிய போது இருந்த எதிர்பார்ப்பை விட தற்போது ஜெயிலர் படத்திற்கு பல மடங்கு எதிர்பார்ப்பு அதிகரித்துள்ளது. அதற்கு காரணம் இப்படத்தில் நடிக்கும் நடிகர்கள் தான். ரம்யா கிருஷ்ணன், யோகி பாபு, மோகன்லால், ஷிவ்ராஜ் குமார், ஜாக்கி ஷாரூப் என இந்திய திரையுலகில் இருக்கும் முன்னணி நடிகர்கள் பலர் இப்படத்தில் நடித்துள்ளனர்.

இதன் காரணமாக ஜெயிலர் தற்போது ஒரு பான் இந்திய படமாக உருவெடுத்துள்ளது. இதையடுத்து இப்படத்திற்கு பாசிட்டிவான டாக் இருப்பதாலும், படத்தை பார்த்த ரஜினி முழு திருப்தியில் இருப்பதாலும் கண்டிப்பாக ஜெயிலர் மிகப்பெரிய வெற்றியை பெரும் என எதிர்பார்க்கப்படுகின்றது.

வெளியான கணிப்பு

இந்நிலையில் ஜெயிலர் திரைப்படம் ஆகஸ்ட் 10 ஆம் தேதி சோலோவாக வெளியாக இருப்பதால் இப்படம் முதல் நாளில் எவ்வளவு வசூலிக்கும் என கணிக்கப்பட்டு வருகின்றது. அதன்படி இப்படத்திற்கு இருக்கும் எதிர்பார்ப்பை வைத்தும், படம் சோலோவாக வெளியாவதாலும் முதல் நாளில் மட்டும் ஜெயிலர் திரைப்படம் கிட்டத்தட்ட 25 கோடிக்கு மேல் அசால்டாக வசூலிக்கும் என எதிர்பார்க்கப்படுகின்றது.

அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்

இதைத்தொடர்ந்து உலகம் முழுவதும் ஜெயிலர் திரைப்படம் முதல் நாளில் மட்டும் ஐம்பது கோடிக்கு மேல் வசூலிலும் என கணிக்கப்பட்டு வருகின்றது. அதன் பிறகு படம் எப்படி இருக்கு என்பதை பொறுத்து வசூல் அமையும். என்ன இருந்தாலும் ஜெயிலர் திரைப்படத்திற்கு மிகப்பெரிய ஓப்பனிங் கிடைக்கும் என்பதில் எந்த சந்தேகமும் இல்லை.

இந்நிலையில் ஆகஸ்ட் 10 ஆம் தேதி வெளியாகும் ஜெயிலர் திரைப்படத்தின் இசை வெளியீட்டு விழா சென்னையில் வருகின்ற 28 ஆம் தேதி மிகப்பிரமாண்டமான முறையில் நடைபெற இருக்கின்றது என்பது குறிப்பிடத்தக்கது.

Leave a Comment

This site uses Akismet to reduce spam. Learn how your comment data is processed.