ராகவா லாரன்ஸ் நடிப்பில் தற்போது உருவாகியுள்ள படம் ‘சந்திரமுகி 2’. பி. வாசு இயக்கத்தில் மிகுந்த எதிர்பார்ப்பிற்கு மத்தியில் இந்தப்படம் உருவாகி வருகிறது. ரஜினி நடிப்பில் ரிலீசாகி பிரமாண்ட வெற்றியை பெற்ற ‘சந்திரமுகி’ படத்தின் இரண்டாம் பாகத்திற்கான படப்பிடிப்பு கடந்த சில மாதங்களாக விறுவிறுப்பாக நடந்து வந்தது. இந்நிலையில் ‘சந்திரமுகி 2’ படம் குறித்து இசையமைப்பாளர் கீரவாணி தனது ட்விட்டர் பக்கத்தில் பகிர்ந்துள்ள பதிவு இணையத்தில் வைரலாகி வருகிறது.
சூப்பர் ஸ்டார் நடிப்பில் கடந்த 2005 ஆம் ஆண்டு வெளியாகி பிரம்மாண்ட வெற்றியை படைத்த படம் ‘சந்திரமுகி’. கிட்டத்தட்ட 300 நாட்களுக்கு மேல் திரையரங்குகளில் ஓடி சாதனை படைத்த இந்தப்படத்தில் ரஜினியுடன், ஜோதிகா, பிரபு, வடிவேலு, நயன்தாரா, மாளவிகா, வினீத் உள்ளிட்ட மிகப்பெரிய நட்சத்திர பட்டாளங்களே இணைந்து நடித்திருந்தனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதன் இரண்டாம் பாகத்தில் தற்போது ராகவா லாரன்ஸ் நடித்து வருகிறார். தமிழ் சினிமாவில் டான்சராக அறிமுகமாக ஹீரோவாக பல படங்களில் நடித்தார் லாரன்ஸ். இதனையடுத்து இயக்குனராக முனி, காஞ்சனா முதல், இரண்டாம் மற்றும் மூன்றாம் பாகங்கள் என தொடர்ச்சியாக பல ஹிட் படங்களை இயக்கினார் லாரன்ஸ். கடைசியாக அக்ஷய் குமார் நடிப்பில் ‘காஞ்சனா’ படத்தினை இந்தியில் ‘லஷ்மி’ என்ற பெயரில் ரீமேக் செய்தார்.
இந்நிலையில் தான் தற்போது ‘சந்திரமுகி’ இரண்டாம் பாகத்தில் நடித்துள்ளார் லாரன்ஸ். பி.வாசுவின் 65 படமாக உருவாகும் இதில் லாரன்ஸ், வடிவேலு, கங்கனா ரனாவத், ராதிகா சரத்குமார், மகிமா உள்ளிட்டோர் இணைந்து நடிக்கின்றனர். லைகா நிறுவன தயாரிப்பில் உருவாகும் ‘சந்திரமுகி 2’ படத்திற்கு பிரபல இசையமைப்பாளர் கீரவாணி இசையமைக்கிறார்.
Maaveeran: 10 நாட்களில் ‘மாவீரன்’ செய்த வசூல்: ‘அந்த’ சாதனை படைப்பாரா சிவகார்த்திகேயன்.?
இந்நிலையில் இந்தப்படம் குறித்து கீரவாணி தனது ட்விட்டர் பக்கத்தில் பகிர்ந்துள்ள பதிவு இணையத்தில் வைரலாகி வருகிறது. அதில், ‘சந்திரமுகி 2′ பார்த்தேன்’ படத்தை பார்த்து எனக்கு தூக்கமே வரவில்லை. அதில் வரும் கதாபாத்திரங்கள் என்னை மரண பயத்தில் ஆழ்த்தியது. கடந்த இரண்டு மாதங்களாக தூக்கம் இல்லாமல் இரவு, பகல் பாராமல் படத்தின் பிரம்மிக்க வைக்கும் காட்சிகளுக்கு உயிர் கொடுத்துள்ளேன் என பதிவிட்டுள்ளார்.
இணையத்தில் வைரலாகும் இந்த பதிவினை தொடர்ந்து ரசிகர்களின் எதிர்பார்ப்பு எகிறியுள்ளது. ‘சந்திரமுகி 2’ படப்பிடிப்பு முழுமையாக நிறைவடைந்து தற்போது இறுதிக்கட்ட தொழில்நுட்ப பணிகள் நடந்து வருகிறது. விநாயகர் சதுர்த்தி அன்று வெளியாகவுள்ள ‘சந்திரமுகி 2’ படம் தமிழ், தெலுங்கு, கன்னடம், இந்தி மற்றும் மலையாளம் ஆகிய ஐந்து மொழிகளில் ரிலீசாகவுள்ளது குறிப்பிடத்தக்கது.
Jailer: நிஜமாவே அலப்பறையை கிளப்பிட்டாங்க: 15 செகண்டில் காலியான ‘ஜெயிலர்’ பாஸ்கள்.!